January 16, 2021 (Inrinni) khan Rev. R. Lalnunzira, Executive Secretary, Lawngtlai leh Upa T. Vanlaldika, Secretary, Lawngtlai โEโ Pastor Bial te chuan. BCM School, Hmawngbu Building sak lai mek tlawhin an hna thawh dan an thlirpui.
He School sak lai mek hi a dung 75ft, a vang 15ft a sak, L shape-a sak a ni a, Skirting chin concrete a ni a, a bak zawng thingzai hmanga sak a ni. Tin, a hmun hi Rs 50, 000/- in lei a ni a, School hmun lei nan leh sak nan hian โน 300, 000/- sen a ni tawh a, Kawngkharpui leh tukverhte vuah a la ngai a, Thutphah leh dawhkan engemaw zat siam a la ngai bawk.
He School saknaah hian Hmawngbu Kohhrante'n a hranpaa Mistiri ruai em em lovin hnatlang tha tam tak sengin tha an thawh a ni.
BCM School, Hmawngbu hi an kum 2015 khan BCM Education Department-ah hlan a ni a, BCM Education Department hnuaiah Lawngtlai East Pastor Bial ten an enkawl a. Tunah hian Zirtirtu 3 an awm mek a, Nursery atanga Class V thleng hawn a ni.
Hemi rual hian Myanmar boarder Zochachhuah, Zorinpui lam pawh BCM Mission rawngbawlna a remchang dawn em tih enin a tlawh nghal bawk. Haw lamah Baptist Mission School Ngengpuipui tlang tlawh nghalin thawktute nen inkawmhona tha tak an nei bawk.
