Christian Hospital Serkawn chuan August 16, 2016 (Thawhlehni)  khan Dr.C.Silvera Operation Theater (OT) hawnna inkhawm an buatsaih a. He Programme hi  Rev. R. Zohmingliana, AGS i.c Service-in a kaihruai a, Dr. B. Laldinliana Medical Superintendent-in Technical report a pe-in, Pi Lallawmzuali w/o Dr. C. Silvera (L) in a hawngin, Rev. F. Ramdinmawia, BCM General Secretary-in Pathian hnenah a hlan.

[caption id="attachment_9115" align="alignleft" width="145"] Dr.C.Silversa[/caption]

Sawi tawh thin ang khan - he Minor Operation Theater hi Christian Hospital-a Mizo Doctor Superintendent hmasa ber, Dr. C. Silverate chhungkua-in Rs. Nuai 12 an rawn thawh atanga sak a ni a, February 15, 2016 khan bankhur laiin sak tan a ni a,  July 2016 khan luah theih a peih fel a lo ni ta a ni. Sum an rawn donate hnu-ah Dr.C.Silver hian Chatuan ram a lo pan tak avangin a hmu ve hman ta lo chu a khawhar thlak thu leh pawi an tih thu BCM hruaitute chuan an sawi a, chutih rualin he Minor OT hi amah hriatreng nan a hming chawia sak a ni ta thung a ni.