Rev. C. Vanlaldika, Vice Principal leh Associate Professor of Old Testament, Academy of Integrated Christian Studies (AICS) chuan Serampore Colege(University) atangin Doctor of Theology (Old Testament) chu tha takin a pass ta. A thesis title chu "Slave laws in the Pentateuch from the Postcolonial Perspective" tih ani. Pu Dika hian August ni 18, 2014 khan Serampore College hmunah Viva Voce neiin tha takin a zo a ni.
Serampore College (University) hnuaiah hian Mizoram Baptist kohhran atangin heng mi 4 te hian Doctor of Theology an zo ta a ni, chungte chu:-
Rev. C. Vanlaldika hi February ni 7, 2015 Serampore College Convocation-ah Degree hlan ani ang. BCM in malsawmna kan dawng zel hi a lawmawm em em a, Rev. Dr. C. Vanlaldika hnathawh hah rah leh a hlawhtlinnaah kan lawmpuiin duhsakna kan hlan a, Pathian hnenah lawmthu i sawi pui bawk ang u.
Report: Maruata Lalruatkima:Rev. C. Vânlaldika chanchin tlangpui
Rev. C. Vânlaldika hi Chhakchhuak hnam a ni a, October 3,1962-ah Chhîpphîr khuaah a piang a , a pa chu C. Remsiama a ni a, a nu chu Thangchungnungi a ni. Unau hi mipa 4 leh hmeichhe 1 an ni. Kum 1975-ah Baptisma a chang.1982 atangin Sawrkâr-ah Circle Assistant hna a thawk a. College zirna a chunzawm zêl a, 1973-ah PUC a zo. A hna thawhna hmun-ah Baptist Kohhran an awm loh avângin Salvation Army a bêl a, amah hi chu Baptist origin dik tak a ni. Salvation Army-a a tel avângin nupui a neih pawhin Salvation Army Officer-in a invawntîr a ni.
1977 kumah Evangelist Lalthlamuana rawngbâwlna avângin Chhîpphîr-ah nasa takin harhna a thleng a, chu malsâwmna chu ani pawhin a chang nasa hle mai a. Sawrkâr hna avânga Lungpho khuaa a awm laiin 1985 Good Friday vuakvêtah Pathian thu chu zâwm zêl tûr leh hun puma rawngbâwl tûrin a mut hmunah a inhlân thar leh ta a.
Chutianga a inpêk hnu chuan hun puma rawngbâwl tûra inngaihna a nei nghet tlat a. “Thian thenkhat ten ka inpêkna hi an ringhel a ni mai thei, B.Th ka zir lai pawhin Testimony min sawi nawntîr zing viau a, mahse ka tân chuan Pathianin min kohna nia ka hriat hi a chiang êm êm mai a, a chiang chho zêl dâwn pawh niin ka hria. He kohna hi a chian êm avângin ka awmna biala mi thil tithei leh awmthei deuhte lamtanga siam tumin ka pâk huam ngai lo va. Pastor tha tak nih pawh ka tum hran lo, Kohhran tâna Pastor tangkai tak nih erawh chu ka tum ber a ni” a ti.
Pathian thu Theology a zir dân: 1987-1990 - B.Th., ETC, Jorhat. 1997-1999 - B.D., ETC, Jorhat. 2001-2003 - M.Th (O.T) UTC, Bangalore 2007 - D.Th (O.T) UTC, Bangalore. Pastor a nih hnua a rawngbawlnate: 1990-1993 - Pro. Pastor, Haulawng Bial 1993 - Lunglâwna Assembly-ah Minister atan Rev. Râltâwnga’n a ordain. 1995-1997 - Z.P.M.B.K Bialtu Pastor, Shillong 1997-1999 - B.D study, ETC, Jorhat. 2000 - M.Th zir tûrin a inbuatsaih. 2001-2003 - M.Th study, U.T.C. Bangalore 2003-2004 - Lecturer A.I.C.S. Aizâwl 2004-2007 - Lecturer, Serampore College 2007 - 2010 - Doctoral study, Bangalore 2011 - 2013 - Academic Dean, AICS 2013 - Vice Principal, AICS
