Christian Hospital Serkawn-a thawk turin Medical & Health Committee chuan thawktu pathum a la thar a. Chungte chu Medical Officer turin Dr. Laldinsangi Hnamte, Zohnuai leh Dr. Goldie Lalrinsangi Sailo, Venglai Lunglei an ni a. Nursing Tutor atan Nl. Laltlankimi Fanai, Chanmari, Lunglei te an ni.
Kristian Chhungkaw Ni-May 18:
Tunkar Pathianni, May 18 hi Mizoram Baptist Kohhran Ni pawimawh ‘Kristian Chhungkaw Ni’ a ni a. Kohhran tinah hemi pual ian hun hman a ni ang. Kumina Kristian Chhungkaw Chawlhkar thupui atan ‘Pathian ram thilpek‘ tih hman a ni ang… Read More
Pu Zomawia (Rev. Dr. David Minton) vui liam a ni:
Kan Zo-sap missionary, Rev.FJ Raper-a fapa Pu Zomawia(1937-2014) chu kum 77 mi niin May 12 (Thawhtanni) khan vui liam a ni ta… Read More….
NEICC Bi-ennial Assembly neih mek a ni:
May 15-18, 2014 hian NEICC Inkhawmpui vawi 76-na (First Biennial Session) chu Churachanpur, Manipur-ah neih mek a ni a. Evangelical Free Church of India (EFCI) kohhran-in Sielmat veng, Churachanpur-ah an thleng a, thupui atan “I puan in hmun chu zauh rawh” (Isaia 54:2) a ni. NEICC-ah hian BCM atangin AGS Rev.Dr.K.Lalrinthanga leh Lawngtlai ES, Rev.F. Ramdinmawia hovin palai 5 vel an kal a. Lawngtlai Area Zaipawlte pawh an kal. NEICC Inkhawmpui hi kum 2016-ah chuan Mizoram Baptist Kohhranin, Lungleiah kan thleng ang.
AGS Zawlnuam Bialah:
AGS i/c Rev.Lalbiaksanga Chinzah chu Zawlnuama kan Kohhran School Baptist English School tlawh leh thil pawimawh dang tiin May 16-20, 2014 chhung hian a zin a. A lo haw kawngah Mamit bial leh W.Phaileng bial hruaitute a kawm nghal ang.
Luangmual bialah Fellowship thar:
Aizawl Luangmual pastor bial huam chhung Tanhrilah May 4, 2014 khan Mizoram Baptist Kohhran Fellowship a ding thar leh a; member 40 chuangin bul an tan a. BCM President, Rev.H. Sangchema leh Aizawl ES, Rev.Dr.V. Laldingliana ten an hmanpui.
KNP Hruaitute Seminar:
Zotlang (Aizawl) Pastor bial KNP hruaitute chuan May 14, 2014 (Nilaini) khan Zotlang Biak inah Seminar an nei a. KNP Promoter, Pi B. Singpari leh Christian Counselling-a Councellor, Nl.Camelia Lalhruaitluangi ten an hmanpui.
JBS Dean thar Rev.H. Lalthlamuana
Mizo tawnga Pathian thu zirn, Jubilee Bible School, Serkawn-a din tur atan Dean/Principal ni turin Rev. H. Lalthlamuana chu ruat thar a nih angin a hna hi May 2014 atangin a rawn zawmin Office a luah tan tan... Read More..
Tawipui Bial BMP Meet:
Tawipui Pastor bial chuan May 16-18, 2014 hian Tawipui N- II Biak inah an bialtu pastor 2- Rev.Lalmuanzuala leh Pro. Pastor B. Rosangzuala te hovin Bial BMP Meet an nei a, thupui atan Rinawmna an hmang.
