Disaster Management & Rehabilitation Department leh BCM R&D te thawh ho na in April 25, 2018 khan Khuarel chhiatna leh Mihring siamchawp chhiatna lo thleng thei lak inven dan leh a tih tlem dan zirhona (Disaster Risk Reduction workshop) Phairuangkai ah neih a ni a. BCM R&D Director Pu Lalrinawma'n inkhawm kaihruaiin sorkar lam mithiam ten zirtirna an pe a ni. He Worshop-ah hian khawtlang mipui chhungkaw aiawh 56 zet telin Program tha tak an hmang.
Kuminah hian he Programme hi March 3, 2018 khan Mizoram Baptist Kohhran, Relief & Development Department leh Transform Aid International (TAI) te thawh ho nain Chawngte Pastor Bial, Chawngte-ah hlawhtling takin neih a lo ni tawh a, kum 2016 leh 2017-ah te pawh Baptist Relief And Development network (BREAD) leh BCM R&D te tangkawpin Aizawl, Lunglei leh Lawngtlai District ah te neih a lo ni tawh bawk a ni.
BCM R&D hian Mipui te himna leh hmasawnna turin kawng hrang hrangin hma a lo la thin a, hetianga a hmalaknaah hian tlawmngai pawl te, Kohhran dang leh Sorkar mai bakah Khawvel pum huapa chhawmdawlna lam hna thawk pawl hrang hrang te nen a remchang angin a thawhpui thin a ni.
