Resource personte leh Canadian thalaite[/caption]
Nimin, May 17, 2017(Nilaini) khan Lawngtlai Bazar, Gospel Centenary Hall-ah Relief & Development Department leh Lawngtlai Area Thalai Kristian Pawl te buatsaihin Workshop on Disaster Risk Reduction training an buatsaih a, Lawngtlai Area a Pastor Bial panga atangin Thalai Member 80 kal khawmin hlawkthlak an ti hle.
He training ah hian Rev R.Lalbiakliana, Executive Secretary Lawngtlai Area chuan, chhiatrupna thil a kan inven theih dan tur zirtirna buatsaih ani chu lawmawm a tih thu a sawi a. Tunlai ah Thalaite hi Kohhran leh khawtlang tana mi tangkai tak tak te kan nih avangin hetiang kawnga zirtirna pe thei tura training nei turin a sawm bawk a ni. BCM Relief & Development Department Director, Pu Lalrinawma chuan Understanding of Disaster, Hazard, Disaster Risk and Management tih thupui hmangin zirtirna a pe a. Chawhnu lamah Master trainer PC.Lalhruaitluanga'n Community Disaster Management Plan tih thupui hmangin kalkhawmte hnenah zirtirna a pe bawk. Gobal Youth Volunteer Network, University of Gwelf atangin Canadian Zirlai pali ten Training hi an rawn hmanpui bawk.
He Training Programme hman lai hian Tv Lalhnehliana, Thingfal Bial TKP Fin.Secretary, Mamte khua rilphir puak keh avanga Christian Hospital Serkawn-a enkawl mek tanpui nan training a kal ten an DA an dahkhawm Rs 2,000 an hlan a. Kalkhawmte aiawh hian Rbt Rohmingliana Zathang-in Pu Lalrinawma, R&D Director kaltlangin damlo kanna hi a hlan a ni.
