Mizoram Baptist Kohhran hnuaia thawktu Department hrang hrang-a nitin Office kal te chuan December ni 17, 2020 (Zirtawpni) atangin Krismas leh Kumthar chawlh an hmang tan dawn a, Hemi chhung hian Headquarters Office, Executive Secretary Office te leh Department Office dang te chu khar a ni ang. Chutihlaiin, Hospital lam te, Zirna In te leh Homes te chu anmahni inenkawlna tibuai lovin Department hotute ruahmanna siamin a tul angin Office an la kai a, Duty leh hna kallai pawh a pangngaiin an kalpui zel dawn a ni.

BCM Calendar-a tarlan angin, Kumthar January ni 7, 2022 (Zirtawpni)ah Office hawng lehin, January ni 10, 2022 (Thawhtanni) ah thawktute inhlantharna Programme hman a ni ang. Inhlantharna Programme hi Hqrs Office leh BCM Institutions leh Department hrang hrang bakah Lunglei khaw chhunga Bialtu Pastor ten a huhovin BCM Hall-ah an hmang dawn a, Lawngtlai leh Aizawl a thawktute pawhin Executive Secretary te ruahmanna-in a huhovin hun an lo hmang ang a, heng bakah Mission Field hrang hrang-ah pawh Field Director te ruahmna-in Inhlantharna hi an nei ang.

(Office te khar a nih dawn tak avangin, Kohhran rawngbawlna Chanchin kan rawn tih chhuah thin te leh Baptist Today te kan chawl ve rih dawn a, Harsatna dang a awm loh chuan January Pathianni vawihnihaah kan rawn chhunzawm leh dawn a ni)