Mizoram Thalai Kristian Pawl(MTKP) executive Committee ruahmanna-in October 4, 2020 (Pathianni) tlai dar 6:00 hian ram pumah Covid-19 pualin tawngtai programme a buatsaih.

He Tawngtai programme hi mahni remchanna hmun theuha lo zawm tur leh thahnemngai taka tawngtaina hun hi hmang turin TKP member zawng zawng te an sawm a. TKP member kher lo pawh Kohhran mite a thei apiangin he hun hi zawm turin an sawm nghal bawk a ni.

Tin, thianzaho a tawngtaina buatsaih theite tan pawh remchang siam theih a ni ang a, Unit TKP bultuma Pathianni tlai tawngtai Programme nei thin te pawhin tawngtai Subject atan hman nghal theih a ni ang tiin MTKP chuan ruahmanna a siam a ni. Tawngtai thupui tur pawh siam nghal in member te hman theih tura sem chhuah a ni bawk.

Tawngtai thupui:

1. Lawmthusawina:
   1. Kan ram chhungah Covid-19 avanga thihna a la thlen loh avangin pathian hnenah lawmthu I sawi ang u.
   2. Covid-19 avanga damlote enkawltu Doctor, Nurse te leh damdawi lam thiamte inpekna avangin lawmthu I sawi ang u.
   3. Ram venhimna tur atana mi inpe, tlawmngai pawl leh mimal thahnemngai tak tak kan la neih avangin Pathian hnenah lawmthu I sawi ang u. 
   4. Inkhawmna leh inpawlkhawm la rem lo mah se, zalen taka pathian pawlna hunt ha tak min pek avangin Pathian hnenah lawmthu I sawi ang u.
2. Dilna:
   1. Covid-19 damdawi/Vacacine tha tak hmuh chhuah a nih thuai theih nan
   2. Covid-19 avanga mimal leh chhungkua thlarau lam leh sum leh paia harsatna hrang hrang tawk mekte tan.
   3. Ram roreltute, pawlho leh mimal \hahnemngaite Covid-19 dona kawnga thawktute leh an chhungte zawng zawng tan.
   4. Quarantine Centre hrang hranga awm mekte tan. Taksa, rilru leh thlarau damna an chan theih nan.
   5. Covid-19 natna hi khawvel atanga lak bo a nih thuai theih nan.