Tunkar  Nilaini, March 23 khan Council of Serampore College - Working Committee, Serampore, Kolkata-ah neih a ni a. General Secretary, Rev. F. Ramdinmawia chu he Meeting ah hian member a nih angin a tel.

Council of Serampore College, Working Committee hi Committee pawimawh tak ni in, member 4 lek awmna a ni a, chungte chu – Master, Vice Master, Principal, Serampore College leh Rev. F. Ramdinmawia, General Secretary, BCM te an ni. He Committee hian Council of Serampore Meeting-a thu ngaihtuah tur leh ruahmanna pawimawh zawng zawng te duangin a lo enlawk hmasa thin a ni.

Tun tum Meeting ah hian Rev. F.Ramdinmawia, General Secretary chu member a nihna anga a tel hnuhnung ber tur a nih ang in, Serampore Council, Working Committee member dangte pawhin an ui thu leh Serampore College tana theihtawp chhuaha a thil tih zawng zawng ah lawmthu an sawi a ni.