BCM Assembly 2021 thurel, "Mizoram ah Kohhran Hrang Hrang te Inthlun khawmna (Council of Churches) din dan zawn nise" Council of Churches in Mizoram din dan kawng BCM in dap rawh seโ ti a a rel bawhzui in, February 7, 2022 (Thawhtanni) khan BCM hruaitute chuan Lairam Isua Krista Baptist Kohhran (LIKBK) Assembly puipate hmu-in, LIKBK Assembly Hall, Lawngtlai-ah inkawmhona an nei.
BCM aiawha kal te hi Rev. F. Ramdinmawia, General Secretary, Rev. R. Lalnunzira, Executive Secretary Lawngtlai, Rev Lalzarliana Khiangte, Lawngtlai East Bialtu Pastor leh Rev K. Laldosang Lawngtlai South Bialtu Pastor te an ni.
Inkawmhona hi Rev. B. Zazawna Lai, General Secretary LIKBK-in kaihruaiin, Rev F. Ramdinmawia, BCM General Secretary chuan Council of Churches din chung changa thuziak a buatsaih chu chhiar in, sawiho nghal a ni a, boruak แนญha leh duhawm tak LIKBK Asssembly puipate nen hian an hmang a ni.
BCM hruaitute hian February 10, 2022 (Ningani) khan Bualpui 'Ng' ah Isua Krista Kohhran Assembly puipate kawmna leh Siaha-ah Evangelical Church of Maraland Puipate kawmna neiin hun an hmang leh a. General Secretary Rev. F. Ramdinmawia bak ah Rev. R. Lalnunzira Executive Secretary Lawngtlai, Rev Lalchhuankima Siaha East Bialtu Pastor, Rev Lianchhunga Khiangte Siaha West Bialtu Pastor te tel in, inkawmhona hun tha tak an hmang a ni.
