Lunglei S Area Kohhran Upa Consultation[/caption]
Lunglei: 21st February, 2020: February 22, 2020 (Inrinni) hian Mizoram Baptist Kohhran, Pastoral Department buatsaihin kohhran hmasawnna leh than zelna kawng atan Inrawn Hona (Consultation on Church Growth & Expansion) thawh hnihna chu Lunglei North huamchhunga Kohhran Upate pualin BCM Venglai, Lunglei-ah neih a ni dawn.
He consultation hi chawhma dar 10:30-ah tan in Rev. C. Lalhungliana, Bialtu pastor, Rahsiveng Bial-in kaihruai ang a, Pathian hnena inkawltirna hun a hmang nghal ang. Rev. F. Ramdinmawia, General Secretary-in thupui zirho tur atangin sawihawnna (Key Note Address) a neih hnu-ah resourse Person Rev. C. Chhuntluanga, Pastoral Coordinator-in Church Expansion chungchang paper a buatsaih zir hona neih a ni ang.
Chawhnu lamah Sawihona hun (Discussion) hmangin he hun hi Rev. R. Lalbiakliana, AGS-Service-in a kaihruai ang a,ย Rev. V. Vanlalchhunga, Zotlang Bial-in tawngtaiin hun a kharang.
Kar hmasa, Inrinni khan he Programme hi Lunglei South huam chhunga Kohhran Upate pualin Chanmari Biak-inah neih a lo ni tawh a, Kohhran Upa 176 kalkhawmin programme tha tak an lo hmang tawh a, rawngbawlna kawnga intuaithar zel tur leh hmasawn zel turin inhlantharna an nei nghal a ni.
