June 11, 2012 Dar 10:00 khan Rev. C.  Ngurhnema AGS i/c Service BCM chuan BCM R&D hnuaia  Mobile Computer Traning Centre Pangzawl-ah a hawng. He Centre hi Pangzawl Higher Secondary School ah dah a ni a, Zirlai te tana remchang tur leh School lam nena in thlunzawm tura buatsaih a ni. Hawnna hun ah hian R&D Director, Pu MS Dawngliana R&D leh Pangzawl Bialtu Pastor Rev. Lalhungliana ten an tawiawm a, Pangzawl Bial Kohhran puipate bakah Higher Secondary School Board Member te leh Zirlai naupang thahnem tak an tel a ni.

Tun tuma Pangzawl-a Mobile Computer Training Centre hawn thar hi Hnathial atanga sawn phei a ni a. Hnahthial-ah hian kum khat leh achanve Copmputer Training Centre hi kalpui a nih hnu-ah mamawhna leh kohna avangin Pangzawl lamah hian sawn phei a ni ve leh ta a ni.

Mizoram Baptist Kohhran Relief and Development Department hnuaiah hian Youth Skill Training hrang hrang hlawhtling takin kalpui zel a ni a. Tailoring, Carpentry leh Computer Training, short course voctional Training te hi kum engngemawzat khaw hrang hrang-ah kalpui a lo ni tawh a ni. Tunah hian Guwahati-ah thla thum course - Front office Management leh House Keeping & Food and beavarage training nei turin mi 20 tirh mek an ni bawk.