August 20, 2021 khan Mizoram Baptist Kohhran, Communiations Department Committee Meeting Sap Upa leh Pu Buanga Hall, BCM Hqrs. Office, Serkawn-ah neih a ni a. Meeting hi BCM President/Chairman Rev. Dr. V. Laldingliana'n a kaihruaia, Communications Department Director Rev., Dr. Lalzarliana’n Department report tlangpui a pe bawk.

Comminications Department Director report-in a tarlan danin, Tun dinhmunah Communications Department kal tlanga rawngbawlna hrang hrang te; TV Channel (Khawnvar) nitin darker khat programme kalpui chhunzawm reng a nih thu te, Kohhran Beng (thlakip chhuak) copy 12400 sem chhuah thin a nih thu leh Baptist Today (kartin chhuak) copy 14,000 sem chhuah a nih thin thu te tarlan a ni a. Baptist Today erawh chu Lockdown avanga motor service a khaihlak avangin kumin July leh August thla tih chhuah a nih theihloh thu tarlan a ni.

Department hmachhawp hrang hrang te tarlangin Khawnvar Channel darker 24-a kalpui tura ruahman mek a nih thu te, Mizorama Chanchintha lo thlen dan Documentary buatsaih tura hmalak mek a nih thu leh Documentary Script buatsaih fel a nih tawh thu a tarlang. Lawngtlai leh Aizawl ah Mini-Studio buatsaih mek a nih thu tarlan a ni bawk.

Meeting thurel tlangpui zingah – Casual Anchor pahnih lak thar ni se tih te, BCM Khawnvar logo thar siam ni se, kohhran mi a duh apiang tan siam theih tura tlangzarh ni se, lawman pakhatna atanga pathumna thleng siam ni se tih te, Mizorama Chanchintha Thlen Dan Documentary chu hrileng boruak a zia awm veleh a shooting neih tura ruahmanna kalpui chhunzawm zel ni se tih te, JND Telivision in thawhho an rawtna chu thawhho ni se, thawhho dan tur ruahman ni se tih te a tel a ni.