Mizoram Baptist Kohhran, Assembly hnuaia Committee lian pah thum, Service, Mission leh Central Committee Meeting, kar hmasa leh tunkar chhunga Sap Upa leh Pu Buanga Hall, Serkawn-a neih chu tluang takin an zo fel a, vawiin, November 19,2015 hian Nomination Committee an thu khawm leh ang.

Heng Meetingte hi BCM President, Rev. C. Ngurhnema’n a kaihruai a, Concerned Department Secretary – Rev. Lalbiaksanga(AGS i/c Service), Rev. Dr. K. Lalrinthanga, (AGS Mission) leh Rev. H. Lianngaia(General Secretary-Central) ten kum kal lai-a an enkawl Department theuh te hmalakna leh rawngbawlna chanchin report an pe a. 2016-2017 atana Department Planning leh Budget ruahman te an pharh bawk. 2016-2017 Plan leh Budget chu Assembly Executive Committee-kaltlangin Assembly 2016-ah pharh a ni ang. Assembly Executive a thlen chhoh hma hian Finance Committee-in chul mam ngai leh siam that ngai te a lo en fel leh dawn a ni.

1. Mizoram Pawn Mission Field te region hnih  - Guwahti Region leh Kolkota Region-ah te then rawtna chu remtih a ni.
2. Volunteer Missionary 17 - Private support Policy-in lak remtih a ni.
3. United Christian Prayer for India (UCPI) nena thawhho dilna chu Assembly-ah thlen remtih a ni.
4. Tripura Baptist Union(TBCU) nena thawhhona en that thu Assembly-ah thlen remtih a ni.
5. Non-Mizo Mission Inkaihhruaina siam mek chu pawm a ni.
6. Sikkim Field-ah Missionary tam zawk tirh luh dan kawng zawn ni se.

1. Pastoral Committee-in Pastor 8 (pariat) lak thar te report leh Pro.Pastor 8 nemngheh tura thlan report chu Assembly Executive-ah pawmpui tura thlen remtih a ni.
2. Pastoal Committee-in Pastor Bial thar pahnih – Bungtlang South Bial leh Hmawngbu Bial hawn belh tura ruahmanna a siam chu pawmpui a ni a, Executive Committee-ah thlen chhoh tur a ni.
3. Property Committee-in BHSS Jr.Section tan Motor thar lei dilna leh Medical & Health Department motor hlui 3(pathum) tih ral a, a thar pahnih lei an dilna chu Assembly-ah thlen chhoh tura remtih a ni.
4. MBKHP-in Property Department Budget-ah Chhawmdawlna In puala Rs. 500000/-(nuai nga) dah an dilna chu an dil angin remtih a ni.