Hospital Khâwl thar 

Christian Hospital Serkawn-ah hian zun kawnga lungte awm (Ureteric stones) leh Phînga lungte awm (Urinary bladder calculus)-te zai lovin chhut keha lâk chhuah theih a ni tawh a, hetianga harsatna neite tan chuan hmun hla zawka kal ngai lovin a pan theih a ni.

Laparoscopic Surgery atan inbuatsaih 

Tun atanga reiloteah Mit bawma lung awm (Gall bladder calculus) pawh zai hawng lovin verh-a lak chhuah (Lap Chole) pawh tih theih thuai kan inbeisei a, tih theih a nih ve leh kan inhriattir dawn nia.

Poor fund chungchang

Hospital poor fund hi tangkai taka hman a niin mi tam takin an chhawr tangkai hle. Amaherawh chu, mi zawng zawng leh a mamawh zawng zawngte hnena pek tur erawh chu a awm thei lo va. Ward incharge doctor leh Sister/Staff incharge ten mamawh zuala an hriatte hnenah tum khatah mi pakhat tan Rs. 5,000.00 aia tam lovin an hospital bill pek tur sutkian nana pek thin a ni. Poor fund hi damlote tan liau liau a ni a, account pawh a hran hlauha vawn a ni. Hospital emaw mamawh dang atan hman a ni ngai lo. April 2016 to September 2016 chhunga Christian Hospital Serkawna Poor fund-a kan hmuh zawng zawng chu Rs. 682,413.00 a ni a, hemi hun chhung veka kan pek chhuah chu mi 87 tan Rs 478,360.00 a ni.

Tin, Christian Hospital Lawngtlaiah April 2016 atanga September 2016 chhunga Poor fund atana hmuh chu Rs. 147,530.00 a ni a, hemi hun chhung veka pek chhuah chu mi 48 tan Rs. 63,415.00 a ni. Poor fund-ah hian hospitala thawktu zingah pawh regular taka pe engemaw zât an awm reng a ni.

Thilpêk dawng

Pu. B. Sanghnuna te chhungkua Tuikhuatlang chuan Christian Hospital Serkawna Conference Hall buatsaih nan Rs. 10,00,000.00 (Rupees ten Lacs) an rawn donate a, kan lawm hle a ni.

Report: Upa Dr.B.Laldinliana, Mdical Superentendent, Christian Hospital, Serkawn

Realated Link: Christian Hospital report-September 2016