Christian Hospital, Medical Superintendent, Dr. B. Laldinliana hnen atanga thu kan dawn danin Christian Hospital tih changtlun tumin hma lak mek a ni a. Tun hnaia an hmalakna leh hma chhawp mek hetiang hian a tarlang. [caption id="attachment_5497" align="alignright" width="300"] Dialysis Machine[/caption] 1. Dialysis machine pahnih lei tum:

Assembly 2014-in a lo rel tawh angin Dialysis machine leina atan Tualchhung Kohhranah appeal siam mekin engemaw zat chuan an ngaihtuah tawh thu a tarlang.

Dialysis machine pakhat hi Rs.800,000.00(cheng nuai riat) man vel a ni a. A room buatsaih na leh accessories hrang hrangte nen chuan Rs.1,500,000(cheng nuai sawm panga) vel nen a vaiin Rs.2,300,000(cheng nuai sawmhnih pathum) sen a ngaih tur thu leh, he khawl hi Hospital leh mipuiin kan mamawh em avangin kan neih thuai theih nan Kohhran hoten theihtawp kan kan chhuah pawimawh hle a ni a ti.

2. Cabin siam belh: Cabin tam zawk kan hospital hian a mamawh avangin Loan la-in cabin turte hi buatsaih mek a ni thu leh project atan hian mimal hnenah donation khawn a nih thu a tarlang a. Mi thahnemngaite hnen atangin engemawzat chu kan dawng tawh a, he project-a tel ve duhte tan chuan a tel theih reng a nih thu a sawi bawk.

3. GNM Seat 30 siam chungchang: Assembly-2014 chuan GNM seat hi sawmhnih atanga sawmthum a tihpun nise tiin a rel a. Hei hi duh huna tihpun ngawt

theih a ni lova. Infrastructure(Class rooms, hostel etc)leh thil dang tam tak inbuatsaih a, chumi hnuah Indian Nursing Council a dil a ngai a. An ni hian an rawn inspect-a min pawm chuan tih pun theih a ni chauh ang. Hemi atan hian ruahmanna siam mek a nih thu leh, sum tam tham deuh tak budget a dah a, Assembly kal tlanga budget hi pawm anih hnuah hna a tan theih ang a. Kan inpeih hnuah seat tihpun hi la dil chauh tur a nih thu a tarlang a. Seat tihpun hi thil tul leh kan mamawh em em a ni a, chuvangin Kohhrante sum leh pai chungchangah pawh kan inhawn a tul hle ang a ti.

4. Clinic neih chungchang: Medical Superintendent chuan Medical Clinic chungchang sawi telin, Thingtlang lama clinic nei tur hian Kohhran, FOD, mimal etc. angtein Clinic hi sponsored theih a nih thu leh hetianga mamawhna hmuna Clinic sponsored duh kan awm a nih chuan Christian Hospital Serkawn hotute hnenah hriattir nise an duh thu a sawi a. Mimal anga Hospital staff-te lo sawm hi a rem loh thu sawi langin Lawngtlai district a mite chuan Senior medical Officer i/c Christian Hospital Lawngtlai hnenah hriattir ni se an duh thu a

sawi bawk.