Pu B. Sanghnuna, IAS Rtd. te chhungkua Tuikhuahtlang, Aizawl chuan Christian Hospital, Serkawn tihchangtlunna atan leh a tul anga an hman atan Rs 10,00,000/- (Nuai Sawm) an hlan. Upa Dr. B. Laldinliana, Medical Suprentendent, Christian Hospital Serkawn chuan He thilpek avanga lawmthu sawiin, he sum hi Hospitalin a mamawh em em, Hospital Conference Hall sak nan hman a nih tur thu a sawi.
Tunhnaiah Christian Hospital hian mimal, Pawl leh Kohhrante hnen atangin thilpek liantham tak tak a dawng thin a. Heng thilpek tlingkhawm atang hian โ Cabin leh Deluxe room engngemawzat sak belh a ni a, Kohhran thawhlawm leh mimal thilpek atang hian ICU Room leh facilities te nei tharin, Dialysis khawl pahnih an nei thar bawk a, Dr.C.Silvera te chhungkuain Rs. Nuai 12 an pek atangin Mini Operation Threatre chu sa zovin tangkai taka hman a ni tawh bawk a, heng bakah hian Khawl pawimawh tak tak, Nau Upna khaw changkang te, Kal leh Mit-a lungte awm chhutsawmna te, MBKHP atangin Chhul hmawr enna khawl te, MTKP-in ICU Room tihchangtluna tura khawl tangkai tak (Defibrilator) leh Serigne pump pahnih leh LST 5% a lei sak te nen a changtlung ve sawt hle.
Heng bakah hian Mimal leh Pawlho thilpek โ Poor Patent Fund atan sum a dawng ve reng bawk a, heihi tangkai taka hmangin, mirethei, natna khirh tak tak tuartte, damdawiin awm man pek ngaihna awm lo tam tak tanpuiin damna an chan phah thin a ni.
