March ni 8 leh ni 9, 2022 khan Christian Hospital leh Eye Care Hospital, Aizawl țangkawp chuan Christian Hospital, Serkawn-ah Eye Camp an buatsaih a. He eye Camp-ah hian Eye Care Hospital Aizawl ațangin Dr. KL Remsanga leh Staff te an rawn kal a, Cataract Survey a hmuhchhuahte Lungsen leh Lunglei khawpui chhunga mi Cataract case 20 te hlawhtling takin an zai a ni. Heng an mit zaite hi tunlai technology Phacomachine khawl a zai an nih avangin Hospital ah riak lovin langin an ti thin a ni.
Christian Hospital Serkawn ah hian VISION CENTRE changtlung tak Eye Care Hospital nen țangkawpa enkawl mek a ni a. Mit lam thiam Optometerist in a țhut chilh reng a. Mit lam harsatna nei, a hmuna enkawl emaw treatment pek ngai chu Eye Care Hospital Doctor te nen țangkawp in an enkawl țhin a, a khat tawkin Eye Camp hi buatsaih thin a ni. Vision Centre CHS ah hian Tarmit an diam thei bawk.Mit lama harsatna neite tan pawh pan theih reng an ni.
