August thla chhunga Christian Hospital tana mi inphalte sum thawh khawm Poor Patient Fund chu Rs. 218,200/- lai a ni
Medical Superintendent, CHS hnen atanga August thla chhung report kan dawn danin mi harsa zualte puala mi inphalte sum thawh khawm Poor Patient Fund chu Rs. 218,200/- lai a tling a. Sum fai bakah hian Face shield 12, Holy Bible lian leh Wall fan te an dawng tel bawk.
Heng bakah hian August thla chhunga CHS dinhmun tlangpui hetiang a ni:
OPD-ah mi 1549 in entir-in, mi 255 admit an ni a, August thla chhungin nau piang 45 neiin mitthi 9 an nei thung. Major Operation 65 neiin Minor Operation zat chu 69 an ni a, Laboratory-ah mi 1426 exam-in, mi 223 X-ray an awm a, Blood Transfusion 67 an awm bawk.
Christian Hospital Serkawn-ah Vision Centre kalpui zel a ni.
Christian Hospital Serkawn chuan hmasawnna thar duhawm tak neiin mit lama harsatna neite tan pan theih a ni ve ta. Nikkum lam atang khan Mizoram Blindness Control Society leh Eye Care Centre, Aizawl te nen thawhhona tha tak neiin mit lama harsatna neite tan ni tin inentir theih a ni ta a. Tarmit chi hrang hrang siamna awm in, tunah tak phei chuan mit zaina tha tak (Infinity Phaco Surgery) pawh tih theih a ni.
