March 16, 2022 (Nilaini) chawhma dar 11:00 khan Christian Hospital Lawngtlai Oxygen Plant hawnna neih a ni a, hawnna inkhawm hi Rev. R. Lalnunzira, ES Lawngtlai-in kaihruaiin, Dr. Lalramzauva, Director, Medical and Health Department, BCM hnen atangin technical report leh lawmthu sawina ngaihthlak a ni a, Rev. R. Lalbiakliana, AGS i/c Service-in hawng in, ṭawngṭainain Pathian hnenah a hlan nghal.

Oxygen Plant hlanna ah hian Area Development Working Committee, Lawngtlai hruaitute bakah Pu VL. Hmuaka, Chairman LADC, Rev. B. Zazawna Lai, General Secretary LIKBK, Pu Lalruatkima, Addl Superintendent of Police, Lawngtlai, Dr. Zothanpari, Medical Supirentandant, District Hospital Lawngtlai ten hmanpuiin, Christian Hospital Lawngtlai thawktute nen mi 60 chuang an kalkhawm a ni.

Oxygen Plant hi Asia Pacific Baptist Federation (APBF) kal tlanga CPOI (Collective Power of One International) aṭanga dawn a ni a, Minute khata oxygen Litre 50 siam chhuak thei (50LMP) a ni.  Christian Hospital Lawngtlai hi kum 2007-ah hawn niin, tunah hian khum 40 a awm mek a, thawktu hi Doctor 1, Assistant Nursing Superintendent 1, Manager 1, Staff Nurse 14, ANM 1, Pharnacist 1, LDC 1, Laboratory Technician 3, X-Ray Technician 2, Driver 1, 4th Grade 8 leh Cook 2, an vaiin mi 35 an awm mek a ni.