April 9, 2015 (Ningani)  chawhnu dar 2:00 khan Christian hospital serkawn a ICU room thar Khum 2 awmna chu Pathian hnena hlanna leh hawnna neih a ni a. He Programme hi Rev. Lalbiaksanga chinzah, AGS i/c Service Department  in kaihruaiin Rev.H. Lianngaia Gen. Secretary BCM in Pathian hnena hlanna a nei a, Dr.B.Laldinliana, Medical Superintendent leh Secretary, BCM Medical  & Health Department Committee ni bawk chuan Report tlangpui a pe bawk.

ChristianHospital Serkawn-ah hian khum 104 a awm mek a, Medical Officer  9, Dental surgeons 2 leh thawk tu dang 126 an awm a ni.  He Hospital hi tunhnaiah nasa takin hma a sawn a.  Private Cabin Block thar- Cabin 8, Student sick room-1 leh Nursing station 1 awm theihna an hawng thar a. Heng bakah hian Central line Oxygen supply system O.T. ah leh ICU ah te an nei thar a, Ambulance thar tha tak an nei a, Diesel generator 25 KVA an nei thar bawk a, Ultrasound Machine 1 leh Cardiac Monitor an nei thar leh tawh a, tunah hian Assembly thu passed tawh angin Haemo-Dialysis machine atan sum tuak mek a ni bawk a, hemi atan hian Kohhran, Pawl leh mimal angin donation thawh theih reng a ni.