Nimin, April 10, 2012 khan Christian Hospital, Serkawn –a hman turin  Zoram Energy DevelopmentAgency (ZEDA) leh NMRE te tanwgkawpin Solar Energy Plan an bun sak chu  LAD Minister,  PC. Lalthanliana'n a hawng ta. Hawnna inkhawm hi Dr. Lalramzauva, Medical Superintendent, Christian Hospital-in a kaihruai a. Solar Energy Power Plan an neih dan chungchang report tawi a pek hnu-ah Khuallian PC Lalthanliana chuan hawngin “Ni zung chakna leh thli chakna hmangakawlphetha siam chhuah leh hman tangkai nacháng hriat zel a tul thu leh Mizoramin Power-a kan intodelh lohna phuhruk turin Sorkar chuan theihtawpin a bei a, a thawk zel dawn a ni, tun atanga kum 10-ah chuan Zoramhi kawlphethaah hnianghnar thei tura ngaih a ni a, power hi kan hausaknatur a la ni dawn a ni. Tuna kan sorkar hmalak te puitlin hunah chuan, Zoram hiankawlphetha atangin cheng vbc. 500chuang kum tin kan tél tawh zawk dawna ni," a ti.

    Christian Hospital Serkawn a Solar plant dah chungchang   ZEDA bul tum hian kum 2005 vel khan  Christain Hospital-ah  Solar water heating plant litre 5000 laidawng an lo install tawh a, he mi tum hian a man pumpui atangin a chanve 50 % chu Hospital-in a tum a ni, hei hi an hmang tangkai em em a, Hospital main building te, choka te, Hostel leh BCO bakah doctor quarters leh G.S leh AGS 2 te bunglow ah pawh an dah a ni bawk.    

He experience tha tak avang hian Electric power generate thei plant dah leh turin hmalak a ni a, kum 2010 atang khan hmalak tan a ni., ZEDA lamin project min siamsak a, Christian Hospital campus pumpui chawm thei tura min chhut chhuah sak, 25 KW project min siamsak a, central lamah NMRE-ah thlenin Mizoram sorkar hotute duhsakna leh recommend-na nen thawn a ni a, NMRE pawhin lo pawmin a rawn sanction ta a ni. He project hi a lian hle a, a pumpui man hi chengnuai 115 lai a ni a, a beneficiary  matching share ringawt pawh hi nuai 30 chuang a ni. Hemi zat sum kan neih loh avangin Mizoram Sorkar-ah dil leh a ni a, tichuan kan dilna chu hlawhtlingin Mizoram sorkarin matching share cheng nuai 30 chu min tum sak leh ta zel a ni. 2011 December thla atang khan he hna hi chak taka thawkin tunah hian peih a lo ni ta a, Good Friday hma chiah khan hman theihin peih fel a ni a, tunahhian Official a hawntheih a ni ta a ni.

   

He Plan hian Solar module(a plate dum)112, battery 120 (truck Battery aia chak hlir) a keng a. Hei hi inverter lian chi-in AC ah let lehin AC power chak tak, 3 phases power a pe chhuak a, Hospital hman sen loh a generate zawk mah a, a chuang hi Grid line-ah pump luh a ni. Ti hian Grid hmang lovin solar hlir kan hmangzawk ang a, enge maw change a charge a tlem changin Grid power hi chu kan hmang chauh dawn a ni.