Christian Hospital khum thara thuam mek a ni.[/caption]
Christian Hospital, Serkawn-in hun rei tak chhung Thingzai khum ( wooden beds) an lo hman thin chu tunlai zawk leh khum changkang zawkin an thlak tan ve ta. Heng khum hi a man a to avangin tum khatah thlak vek theih a ni lo va, tun tumah hian ward 2-ah an thlak fel a, khum 25 dang order leh mek a ni bawk. Ward dang pawh la thlak zel theih an beisei thu Medical Superintendent hnen atangin kan dawng. Wooden Beds hi 90 zet thlak tur a awm a ni.
"Hetiang khum hi tlemin a sang deuh a, damlo te tan chhuat hnaih a hrisel loh avangin standard height a ni a, chubakah doctor leh nurse te tan hnathawhna kun nasat a ngai lo deuh a, tin a hnung lam hi herhsan theih vek a ni bawk a, backrest hran dah a ngai tawh lo bawk a ni. Khum pakhat man hi complete-in (mattress tha tak, rexin a tuam thlap leh a phurh man te nen) singhnih leh sangnga vel bawr a ni." (Med.Superintendent)
