Mizoram Baptist Kohhran Medical & Health Department Committee chu May 18, 2020 khan BCM Committee Hall, Serkawn-ah an thukhawm a. Meeting hi Committee Chairman Rev. R. Lalbiakliana, AGS โ Service-in a kaihruai a, Committee Secretary Upa Dr. Lalramzauva, Medical Superintendent-in report tlangpui a pe.
He Meeting-ah hian Christian Hospital-a thawktu tur Medical Officer pahnih โ Dr. C. Laldinsangi W/o P. Lalnunsanga, Serkawn leh Dr. Jonathan Lalrempuia S/o Lalfakzuala Khiangte, Ramhlun North, Aizawl te lak an ni a. June 1, 2020 atangin an hna thar hi an zawm ang. (Dr. Jonathan Lalrempuia hi BCM sponsored-a zir a nih angin a zir chhuah hnu-ah November 2018 atang khan Sponsorship Obligatory Service (Bond) period hmanga thawk lai mek a ni.)
Meeting chuan Christian Hospital-a Security duty tur chungchang ngaihtuahin, Licensed Security agency te ruaia duty turin hma lak ni se an ti a, Nursing School fee chungchang sawi telin Studentsโ Monthly Fee an chawi thin chu hripui a len chhungin Online Class chauh kalpui a nih avangin fee zawng zawng (60%) chu lak rih loh ni se, Tuition fee (40%) chauh lak ni se an ti bawk.
