Mizoram BKHP hruaitute chuan July 13,2014 Pathianni hmang hian Aizawl khawpui chhung Pastor bial pahnih- Zotlang bial leh Luangmual bialah Chhawmdawlna in pualin an fehchhuak dawn a. Pathianni Zing leh zanah bial 2 huam chhung Kohhran hrang hrangah MBKHP hruaituten thu an sawi ang.

CHHAWMDAWLNA IN - MELTE CHANCHIN TLANGPUI

A lo in tan dan   :  

• 1990s  chho ah kan hmeichhepui - zu in, card khelh ching, chhungkua ngaihsak lo te zingah rawngbawlna a remchan angin neih thin  a ni.
• Jail crusade (hmeichhe ward), home visit, hmeichhe pual camping te buatsaih a ni.
• Thalaite zingah Ruihhlo (Proxyvon etc ) a hluar hle a, ruihhlo ngawlvei te kan hma chho ta bawk.
• 1996 MBKHP Rorel, Ramhlun S Biakin, Aizawla neih ah chuan ‘Chhawmdawlna In din nise, Assembly General committee ah thlen nise’ tih  thu a lo titlu ta a ni.

 Hmalak chho dan   :

• 1996  : sumtuak leh awareness tan a ni.
• 1997 : BCM Assembly in BCM - R &D nen tangkawpin Chhawmdawlna In din min phalsak.
• 1999 : Sorkarah in register a ni a. MBKHP hminga register a rem loh avangin  ‘Grace Society’  tia registered a ni. (Grace Society chu MBKHP sorkara a in registerna hming a ni, pawl hrang anga din  a nilo)
• 1999 : insak tan a ni a
• 2000 May 18  ah hawn a ni a, Aug 1 ah hna tan a ni.

Thawhhona  :  BCM R&D dept : Bul min tanpui, Hna ah min pui a, thawhpui tur min zawn sak bawk. Vawiin thlengin a tulna piangah kan la tang tlang.

• CBM- The Sharing way : Insak & Program bul tanna ah min thawhpui. 1999 -2009 chhung kan thawk ho.
• Tunah hian CDI ah pawl dang thawhpui kan neilo a. MBKHP, Kohhran & tanpui  thei apiang thawhhona a ni.

Enkawl theihte    :    

• Mipa - Damdawi/zu ngawlvei/hmangsual
• Hmeichhia – Damdawi/zu ngawlvei/ hmangsual,  rahbi tleu laklawh, humsual dai  & nunkawnga tawhsual tawk inhumhimna mamawhte.

Sum hmuhna te   :   

• MBKHP – Target, Rinna Thutiam & Fehchhuah
• BCM Assembly budget (Rs. 1,40,000)
• Donations (mimal, pawl, Kohhran, etc)

Infrastructure (In Etc neih dan )   :

• Hmeichhe hostel :  upto 20 seat
• Mipa hostel :  upto 25  seat
• Thawktu quarter – 4 (inluah tawm a ni)
• Chapel -1
• Skill Training centre/Room  - 4
• Administratibve building – 1( Office, Library, Counseling room, Medical room, Rinna In (lut thar tir te chawlhlawkna)
• Khualbuk – 1 (zan riaka tlawh duh te tan (donated by Dr.Mani)
• Tui, Electric transformer & Kawng te sorkar lamin min ngaihtuahsak bawk.

  InenkawI dan   : Stage - 1  Rinna Group :  lut thar tir te hi hostel ah lut nghal lovin, an suffer hun chhung (1-7days ) Rinna In ah an chawl lailawk a, chumi hnu ah Hostel ah an lut thla thin. Stage – 2  Beiseina Group : Thla 1-3 inkar  awm te an ni. Mimal Counseling & Group Therapy hmanga enkawl an ni. (Therapy manual 12-step behchhan in siam a ni a, mahni inhriatchianna kawngah leh ruihhlo kalsan tura an mahni theihna haichhuak tura tanpui thei tur zirlai - 33  a then a ni). Stage  - 3  Hmangaihna Group : Thla  3 – 9 inkar  te an ni. Thla-3 an awm tlin atangin Rehabilitation program (Skill Training) tan a ni.  Follow up Counseling, Therapy/Bible study an nei bawk. Skill Training Program : Mipa tan Electronics repairing & Electrical wiring zirna leh Carpentry zirna a awm. Hmeichhe tan Puanthui, Pangparsiam zirna a awm a. Laphiar an zir bawk. Recovering (Damna kawng zawh mek) Group : Course zo tawh engemaw remchanlohna avangte, anmahni lamin an mamawhna avang & keimahni lamin kan mamawh rih avanga la chhuaklo (4-5 vel) an awm thin. Follow up counseling/Therapy/Bible Study ah an la tel a. CDI a hna tul ang ang te thawkin, neitu chan an chang a, hostel lamah lut thar te kaihruaitu tha an ni bawk.                 Income Generation Program : Recovering Group a mi thenkhat te, anmahni pualin Terrace an buatsaih a , thlai an ching a, an tharchhuah hralhna man chu Group member te pualin dahsak an ni. He program hi 2013 atangin tan a ni a. Damna kawng zawh mek, chhungkaw harsa zawk & belh tur mumal neilo tan a la tangkai ngei kan beisei.  Program dangte  :

• Pathian biak Inkhawm & tawngtai
• Reflection ( mahni nun inen letna atanga hmasawn tura incho chhuahna)
• Goal setting & Review (hmabak-hmasawnna tur rahbi intuk a, mahni hmasawn dan chin inthlir let)
• Moral (nungchang zirna)
• Work Therapy/Intodelh/IGP : Hnathawh hi Therapy chikhat a ni. Nitin zingkarah darkat 1 leh a chanve hnathawh hun siam a ni (Thingtuah lak, a hmunhma samfai & huan thlai siam Etc ). An taksa fitness atan a tha a, huanthlai an kan intodelh a, kan ei bak kan hralh chhuak bawk
• Vawk & Ar vulh : Keyboard, TV, drum set & mamawh dang phuhrukna tangkai tak a ni.
• Kar-1 ah Film en hun zan 1 & hostel intihhlim hun siam thin a ni
• Games : Volley ball/Football, TT, Carrom, Chess, Etc
• Library – lehkhabu dawn khawm atangin buatsaih a ni. .
• Nitin routine mumal tak neiin, inenkawlna kalpui a ni.

Special Focus  :

• Taksa,  rilru, thlarau damna mai bakah, mahni intodelh tumna rilru nei a, mahni kut & ke a ding thei tura anmahni buatsaih.
• Home hi inhremna leh jail tenau deuh anga an ngaihna rilru tihbo a, an taksa, rilru & Thlarau tan Damdawi In a nihna pawmtir.
• CDI a awm hi hreawm ti lova, Nuam an tih theih nan a neitu rilru put tir. Hemi rilru an neih hian enkawlna an dawngsawng tha bik.
• Mi tupawh huapzo – mi te ber atang lian ber tan pawha pan tlak, zahpuiawm loh leh pan hreawm loh Home nih kan tum.
• Drop-Out (course zo lo a tlanchhuak) rate tih hniam zel.
• An chhuah hma a tum mumal neih tir

Course & Fees  :

• Course (inenkawl hun chhung)  – Thla -9
• Fees : Rs. 500-patient tum. A bak zawng BKHP
• canteen deposit  Rs.100-300 dah theih
• Fees   nei lo te inthlahrun loh tur a ni.

Hmathlir (langsar zualte) :

• Family counseling : addiction hi mimal nilovin chhungkaw natna a nih avangin, chhungkua an dam tlan nan & support zui dan an thiam theih nan.
• Skill Training chhuak zo – practice zui thei, tanpui mamawh zual  te bul tanna tur ngaihtuahsak
•  Kan hna in a mamawh anga thawktu thiamna bik nei te rawih/thiamna nei tura thawktu tur chherchhuah  (eg-chaplain, visiting doctor etc)
• family Quarter – 2  tal neih

Hmasawn zel a tulna  :

• Ngawlvei te hi taksa, rilru & thlarauva damna mamawh an nih avangin Hospital tha an mamawh.
• Inenkawlna program tha,  enkawltu/thawktu tha & hmanraw tha an mamawh (khawvel hmasawn ang zelin)
• Baptist Kohhran hnuaia Ngawlvei te hospital a ni a, (Baptist hmelhmang lanna pawimawh tak pawh a ni). Hmasawn zel theih nan BKHP, Kohhran & FOD te kan tan tlan a tul takzet.

Tun dinhmun tlangpui  (July, 2014)   : Thawktu neih dan : Full Time workers : 15, Parttime workers -20 an awm.

• Enkawlai : Mipa – 30  , Hmeichhia  18  +  2, Total =  50
• Thawktu : 15. (Counselor-2, attendant-5, Work Superviser-1, Warden-1, nurse-1, cook-1, skill trainer-2, Driver-1, P.Mananger-1)
• Tunah hian CDI atanga BA 1^st Year exam zo-1, exam hmabak –1, Cl-XII exam tur -2 an awm (Ziak & chhiar zir mek te pawh an awm bawk)
  • DTI-YWAM Bangalore a zirlai- 1, Thelogy (B.Th) zir mek -2
  • CDI atanga chhuak tawh - zirna chhunzawm leh te, sumdawnna khawih te, eizawnna kawng hrang hrang hmanga mahni intodelh te,  nunkawng dik zawha damna kawng zawh mek engemawzat an awm.

                  DIC hi BKHP ten, Home thleng phak lo te zinga rawng kan bawlna hmun pawimawh tak ani.  Kum 2000 March 15 ah hawn tan a ni. MSACS & NEIDAC te nen thawhhona atangin din tan a ni. TearAustralia & UNDOC te nen kan lo thawkho thin tawh bawk. DIC Project kalpui mek te (2014 ) : 1.Targetted Intervention (TI) Project : Drug addict, KS & Mipa mahni anpui kawp thin te zinga hmalakna a ni. He project hi MSACS in a sponsor a ni. Hnthawh dan tlangpui :

• Thiana siam, kawm ngeih & inpawhna tha siam
• kan va hmuh/hmelhriat laia an mamawh hmasa anga tanpui (meeting their immediate needs)
•  kan tihtheih/tanpui theihna piah lam tanpuina an mamawh chuan, tanpuina an dawn theihna tur hmun kawhhmuh or panpui (eg-damdawiin lama refer, home a dah etc ) te a ni a.
• HIV laka an him theihna tura zirtirna & service pek.
• Chhawmdawlna In nen a tul anga patient in refer tawn.

2. Prevention of Parent to Child Transmission(PPTCT-Outreach) :                 Nu raipuar HIV+ in a naupai a a kaichhawn lohna tura venpui tura hmalakna a ni. He Project hi IL&FS atangin sponsor  a ni a. Lunglei & Saiha district hospital/SDH/CHC ah te hmalak a                ni.  Hnathawh dan tlangpui te :

• Hospital/PHC/SDH a raipuar inentir tur a lokal te  thisen test  nei tura lo hmin/kawhhmuh
• Raipuar zingah HIV+ an lo awm a nih chuan, naute in HIV hrik a kai loh nan enkawlna an dawn theihna hmun kawhhmuh/ hruai thlen a, enkawlna an dawn ngei theih nan bawhzui zel.
• Nu in nau a vei lai & a hrin hnu a damdawi ei tur te, naute pian hlima damdawi lak tur te an laktir ngei tura hmalak/bawhzui
• Naute lo pian atanga thla-18 thleng, naute & a nu  follow up neih zui.

1.  People living with HIV support (PLWH-support) : He Program hi mi in phal te donation  atang leh BCM - Social Concern Dept, Prevention And Care (PAC)  atanga an dawn te atangin kalpui a ni.Hnathawh dan tlangpui te :

• HIV hrik pai & AIDS natna in a tlakbuak te rilru & thlarau lam mamawhna a tanpui (counseling)
• Kan resources (thiamna /sum & pai) in a daih chinah an mamawh anga tanpui a, kan tihtheih piah lamah tanpuina an dawn theihna tur hmun kawhhmuh/ hruaithlen.
• Nutritional support : Chhungkaw harsa, Nu HIV hrik pai te tan, Naute in Nu hnute tui atanga a kaichhawn lohna tura hnute chawmna (Nestogen) tur pek.

**He Program hi mi in phal te donation atang leh BCM - Social Concern Dept, Prevention And Care (PAC)  atanga an dawn te atangin kalpui a ni.

1. 4.       Project   AXSHYA :   TB free society siam a nih theih nan Christian Medical Association of India (CMAI)  te nen thawhhona a ni. Lunglei dist ah Haulawng tlangdung & Bunghmun Block ah te hmalak a ni. Thawh dan tlangpui :

• Khawtlang hruaitute & mipui vantlangin TB chungchanga awareness an neih theih nan hmalak.
• TB vei rinhlelh te refer & khak test
• Household survey neih