Chakma Baptist Music Festival 2014[/caption]
January 24 – 26, 2014 a Chawngte Baptist Boarding School (B.B.S) kawt zawla Chakma Mission leh MTKP tang kawp ten Chakma hnam tana Music Festival an buatsaih chu a hlawhtling hle. Mipui pung khawm chu 3500 – 4500 lai an tling a, Pathianni zan kha chuan chhiar kim hleih theih an ni lo hial a ni.
.......................................
Mizorama cheng Chakma zingah Kristian pung :Mizoramah hian Chakma hnam nuai khat dawn lai an cheng a. BCM Ramchhung Mission-in 2010 a Survey a neih khan, an zinga za zela 5 pawh Kristian an la tling lo va. 2013 tawp dawn kha chuan Mizorama Chakma cheng za zela 9 chuang hi Kristian an ni tawh a ni.
.......................................
Boro Baptist Convention Centenary :Tun kar tawp lam hian BCM President Rev. F. Sangvela leh Lawngtlai Area Baptist Choir te chu, Assam-a Boro Baptist Convention kum 100 tlin lawmna programme-ah an zuk tel. Pu Vela hi Boro hnam zinga Missionary hna lo thawk tawh, Lal Isua Krista hming tan avanga Jail-a lo tang tawh a ni.
.......................................
Biak in sak Work Camp :January 27, 2014 khan Tawipui ‘S’ kohhran member 10 chu, Jharkhand-a Kurum-tan Biak in sak mek chhunzawmsak turin an chhuak. Chawlhkar khat aia rei chamin hna an thawk dawn a ni. Pathian hruaina leh tih chakna i dilsak ang u.
.......................................
Bial Mission Convention :i) January 31 – February 2, 2014 hian Tlabung Bial chuan Chawnpui Biak inah Mission Convention an buatsaih a, Mission Promoter Upa H.S. Lalhmingthanga chu Speaker a ni. Lunglawn kohhrana mi then khat te nen an kal. I lo tawngtaipui ang u.
ii) February 7 – 8, 2014 hian Sakawrdai Bial chuan Sakawrdaiah Mission Convention neih a, Upa H.S. Lalhmingthanga, Mission Promoter chu Speaker-a hman an tum. Hlung taka an hman theih nan i tawngtaipui ang u.
.......................................
Chakma Salvation Camp :January 29 – February 2, 2014 hian Sekulhkai Chakma kohhran (Bungtlang ‘S’ leh M. Kawnpui inkar) chuan Salvation Camp neiin, Longpuighat Bial Chakma Evangelist Team an ruai. Speaker chu Team Speaker Pu Sumo Ratan a ni. Camper-ten Lal Isua Krista Chhandamna an chan vek theih nan, i tawngtaisak ang u.
.......................................
Phairuang Bial hawng :January 31, 2014 Zirtawpni khan Rev. B. Lalrinawma, Mission Coordinator chuan CBC Phairuang Bial a hawng. February 1, 2014 Inrinni khan Rolui Chakma Biak in thar chu Rev. L. Lalsawmliana’n (Lawngtlai ‘E’ Bialtu Pastor) a hawng. Pathian hnenah lawmthu i sawi ang u.
.......................................
BCM Mission Platinum Jubilee :He Jubilee hriat rengna T-Shirt rawng 4 – a dum, a var, a sen leh a eng mawi tak tak a lo thleng ta rup mai! Platinum lawmna leh Missionary-te T/A & D/A tuak nan, lei erawh a ngai. I lei har chuan i chang lo palh ang e. A hun laia hak ngei tum theuh ang u. Mission Platinum Jubilee Main Celebration hi March 20 – 23, 2014 -ah Serkawn-ah neih a ni ang a, hemi zawh March 29 – 30, 2014 hian Aizawl, Lawngtlai leh Hnahthial ah te lawm zui a ni leh dawn a ni. (Download Mission Platinum Jubilee Programme)
.......................................
Missionary Furlough :Pu Remlalliana Fanai te nupa chuan Serkawn Bial an fang mek. Mi dang Furlough hmang mai tur pawh an la awm dawn. I tawngtaipui ang u.
