August 5, 2012 Pathianni tuk khan Serkawn Biak inah Chakma Tawng Thuthlung Thar chu BCM G.S Rev. H. Lianngaian a Tlangzarh (‘release’) ta. Chakma Tawnga Bible lehlin hna hi Sept. 20, 2000 khan Tuichawngah tan a ni a, kum 2001-ah Chawngteah sawn a ni a, 2010 atang khan Hqrs. Office, Serkawnah ngawrh zawka chhunzawm niin, kum 12 (sawm pahnih) hnuah peih a ni ta a ni. BCM leh Bible International, U.S.A – Bible International India Society (B.I.I.S), Silchar tang tlangin he hna kan zo ta a ni. Chakma Kristianten (approx. 6000) an Tawnga Pathian thu chhiar tur an nei ta hi a lawmawm tak meuh meuh a ni, lawmthu i sawi ang u. He Chakma New testament hi Pakhat Rs 50/- in lei theih a ni.
Ringthar Baptisma chang :
August 5, 2012 Pathianni khan Rev. Dr. V. Laldingliana, FD, North India Mission, Delhi chuan ringthar 15 (sawm leh panga) Baptisma a chantir. Midang Baptisma chang duh pawh an la awm a, hun remchanga la chantir an ni ang, fimkhur avangin tum khatah mi tam tak an chantir lo a ni. August 5, 2012 Pathianni vek khan Rev. Zirsangliana Ralte, FD, Bhutan, chuan ringthar 2 (pahnih) Baptisma a chantir. Buddhist sakhaw biate hi Kristiana siam an har hle a, ringthar kan nei hi a lawmawm tak zet a ni. Lawmthu i sawi ang u.
