March 16-18, 2022 khan CBC Biak In, Town Church, Chawngte ‘C’ ah Chakma Baptist Church Pastors’ Meet vawi 3-na neih a ni a. Meet thupui atan “Berampu Tha” tih hman a ni a, Speaker-ah mi pathum  - Rev. R. Lalbiakliana, AGS Service, Rev. Dr. Lalzarliana, Director, Communication leh Rev. Dr. C. Lalruatthanga, Executive Secretary, CBC te hman an ni.

Chakma Baptist Church Pastor’s Meet neih a ni.Meet tan zan, March 16 (Nilaini) zanah Pathian Biak Inkhawm neiin Rev. R. Lalbiakliana, AGS Service in thuchah a sawi a, a tuk, March 17 (Ningani) chawhma lamah “Challenges of Pastoral Ministry within the Chakma Community” tih thupui hmanginSeminar neih a ni a, Resource Person-ah Rev. Dr. C. Lalruatthanga hman a ni a, chawhnu lamah Plenary Session in chhunzawm a ni.’Chakma Baptist Church Pastor’s Meet neih a ni.Ningani zanah Pathian Biak Inkhawm neiin Rev. Rev. Dr. C. Lalruatthanga, Executive Secretary, CBC thuchah a sawi a, Zirtawpni nilengin ‘Financial Management’ chungchang inzirtirna Seminar neih chhunzawm lehin, Pu H. Lalhuzauva, Account Officer, BCM-in zirtirna a pe a. Zan lamah Pathian Biak Inkhawm neiin Rev. Dr. Lalzarliana, Director, Communication-in thuchah a sawi ang.

Tun dinhmunah Chakma Baptist Church-ah hian Tualchhung Kohhran 60 awmin Member 6450 an awm mek a. Ordained Pastor 6 neiin, Probationary Pastor, Bial vawng 2 leh Probationary Pastor, Pastor kaihhruaina hnuaia la awm 2 an awm mek a, Tin, BCM Native worker, CBC Pastor atana hman Pathian thu zir mek: 2 (D.Min & BTh) an nei bawk. Hetih lai hian CBC Executive Secretary chuBCM atangin dah a ni a, BCM Missionary CBC Pastor atana hman bial vawng mek pahnih an awm bawk.