BCM Assembly Committee lian Central Committee Meeting ni hnih awh November 17 leh 18 2014-a neih chu tunkar Nilaini khan tluang takin an zo ta.

Tun tum Committee-ah hian Agenda lian tham leh thu thar langsar lutuk a awm lo va, Central Committee hnuaia Department hrang hrang ten Kum 2015-16 Annual Plan leh Budget ruahman te thlirin kum kal lai mek Achievement leh Report te an thlirho a ni. Heng baka an thurel langsar zual te lo tarlang i la:-

1. Pastoral Committee kaltlanga Mission Committee-in Missionary pahnih – FP Lalthathanga leh Remlalliana Fanai te Serh keh sang khawih theihna pek a rawn dil chu Asssembly Executive Committee-ah thlen chhoh remtih a ni.

2. Pastor Bial thar pahnih Republic Bial leh Tawipui Bial siam belh tura Pastoral Committee ruahmanna chu pawm a ni a. ‘Republic Bial’ hi Republic Vengthlang Bial atangin siam a ni ang a, Tawipui Bial hi Tawipui North Bial leh Hrangchalkawn Bial atangin siam a ni ang.

3. BCM-a thawktu te tan Conduct Rule siam ni se tih thu Administrative Committee-in a thlen chu remtih a ni a. Hemi lo ruahman tur hian Hengmite hi ruat nghal an ni:-

1) Rev. H. Lianngaia, General Secretary(Convener)

2) Rev. H.

3) Rev. C. Ngurhnema, President Elect

4) Upa R. Lawmzuala, Sethlun

5) Upa Biakthansanga Khiangte, Zotlang

4. Lunglei North Area Baptist Council (ABC) chu ABC pahnih-ah then turin Assemly 2015-ah thlen chhoh remtih a ni.

Lunglei North ABC-a awm tur Pastor Bial te:

1) Serkawn Bial,

2) Zotlang Bial

3) Haulawng Bial

4) Mualthuam ‘N’ Bial

Lunglei WEST ABC-a awm turte:

1) Bazar Bial

2) Rahsiveng Bial

3) Hauruang Bial

4) Serte Bial

5. BCM Assembly kum za-na hriatrengna (Monument ) chu tuna BMS Monument Piller pakhat-ah hiandah ve ni se tih a ni.

6. Kum 2017-ah Ram pum huap BMP Meet neih remtih a ni.

7. Budget ruahmanna tlangpuiin pawm a ni a, Finance Department in lo enzuiin lo zirchiang zel rawh se tih a ni.