January 14 -16, 2022 khan Canadian Baptist Ministry (CBM) chuan India rama an thawhpui te tan Mokokchung, Nagaland ah Meeting buatsaih a ni a. He meetingah hian Canadian Baptist Ministry te hmalak dan leh India ram state hrang hrang an thawhpui te hma lak dan tur sawiho a ni. 
He Meeting-ah hian Pu Lalrinawma, Director Relief & Development Department leh T. Lalfawnveli, Program coordinator, te chu sawm an nih angin an tel a, BCM, Relief & Development hma lo lak tawh dan report pe-in, Canadian Baptist Ministry te nena thawh ho naa hmalak tum dan ruahanna te an tarlang a ni. Meeting-ah hian Andra Pradesh, Orissa, West Bengal, Mizoram leh a thlengtu Nagland atang te-in an tel a ni.
BCM hi Canadian Baptist Ministry (CBM) te nen hian kum 2003 atanga 2006 chhung khan Community Development Project tha takin kan lo thawkho tawh a. Kum 2019 atanga 2021 chhungin Tuilian tuarte leh Raltlante chhawmdawlna hna te thawkin tanpuina sum an rawn pek hmangin chhawmdawlna hna engemawzat pek chhuah a ni. Kumin kum 2022 atanga tan tur hian khawtlang hmasawna tur Project siamin ruahmnana kalpui leh mek a ni.
