Mizoram Baptist Kohhraninn Zo-Clinic hmanga Malaria do hna thingtlang lama kan thawhnaa min puitu ber Pu Stuart Spani chuan April 14-30, 2014 chhung khan Mizoram a rawn tlawh a. Thing chi khat, Malaria damdawi atana tha tak chu Darzo-a BCM R&D ramah chin/pun hna tan a ni. Tin, Global Volunteer Network, Canada team member 9 te chuan May 3, 2014 hian Mizoram an rawn thleng veleh dawn bawk a. An ni team hi May thla chhung an cham ang a, an cham chhungin khaw hrang hrang tlawh a, khawtlang hmasawnna tur thlir hovin a tam thei ang ber mi kawm kual an tum.  GYVN  hi Kristian pawl, thalaite khawvel hmun hrang hranga hnam ze hrang hrang nun te zir paha rawngbawlna nei thin an ni a. Kum 2006 atang khan BCM R&D Department nen hian kum tin hetiang ang hun hmang ho tur hian ruahmanna siam a ni a, Mizoram an tlawha an thil hmuh thate an ram lamah theh darhin pawl pahnih ten kan hlawkpui tawn mek a ni.