Sarah Lalhruaitluangi Betlu D/o Rev. B. Lalrinawma, BCM Mission Coordinator chu June 5, 2016 khan Mizoram Baptist Kohhran, Chanmari, Aizawl-ah Rev. Dr. V. Laldinglianaโn Cambodia-a Missionary hna thawk turin a tirchhuak a, June 13, 2016 hian Lunglei chhuahsanin a thawhna tur a pan ang.
Sarah Lalhruaitluangi Beltu hi Rev. B. Lalrinawma leh C. Lalengmawii te fa 3-na a ni a. Serkawn Unit TKP active member a ni. Class IV-X leh XII(Science) chu Santosha Vidhyalaya, Tamil Nadu ah First Division-ah passed-in a zir zo va. 2008-2011 ah Mizoram University atangin BCAย First Division-ah bawk a passed leh a, kum 2011-2013 chhungin GOD TV Chennai-ah a thawk a, rawngbawlna atan inbuatsaih a duh avangin GOD TV-a a hnathawh chu bansanin 2013-2015-ah Madrass University-ah MA (P.A) zir lehin First Class-ah a passed leh a ni.
Nl. Sarah-i hi South East Asia Mission 
Society (SEAMS) kaltlangin Tent Maker Misionary (Mahni inchawm Missionary) ni turin a inpe a. Cambodia-ah hian eng hna ber nge a thawh dawn tih hriat a la ni lo va, Chanchin Tha tawngka leh nun leh thiltih-a hril turin a kal dawn a ni. Rawngbawlna hlawhtling taka a neih theih nan I tawngtaipui ang u.
South East Asia Mission Society (SEAMS) leh Mizoram baptist Kohhran hi rawngbawlnaa in hretawn leh partner kan ni a, Nl. Sahrah-i pawh hi BCM Missionary pangngai ang chiahin awm lo mahse, BCM recognised anga chhiar tel a ni ang.
