June 14, 2015 (Pathianni) hi Khawvel pumpui Baptist Thalai inzawmkhawm, Baptist World Alliance, Youth Department tawngtai Ni, Baptist Youth World Day of Prayer a ni a. He Tawngtai Progamme hi MTKP pawhin zawm vein Ram pum-ah TKP awmna Unit tinin chaw nghei tawngtai an nei ve dawn a ni. Tawngtai hun hi tlai dar 4:00 -ah tanin zan lam inkhawm tibuai lovin 6:30 Pm thleng neih a ni ang.
He Tawngtai Programme hi kum 2015 MTKP Rorelna-in a rel, ‘Thalai, Lal Isua neilo ten Lal Isua an neih theih nan MTKP pum huap Chaw nghei tawngtai neih ni rawh se’ tih bawhzuina ni nghalin tawngtai thupui pawh Baptist Youth World Day of Prayer tawngtai thupui awmsa te nen kaihkawp a ni ang.
Tawngtai thupui turte :
(Tichuan, keimahnia thawk thin thiltihtheihna ang zelin, kan dil leh kan ngaihtuah zawng zawng aia nasa zawk titheitu hnenah ngei chuan, chatuanin, chhuan zawng zawng thlengin, kohhranah leh Krista Isuaah chuan ropuina awm rawh se. Amen. Ephesi 3:20-21)
1. Lawmthu sawina :
i) Mizoten tisa leh thlarauva damna leh malsawmna kan channa tura Pathianin Mizorama missionary hmasa berte, Sap Upa (Rev.FW.Savidge) leh Pu Buanga (Rev.JH.Lorrain) leh an hnu zelah missionary duhawm tak tak te min pek avang leh Chanchin Tha avanga malsawmna leh hmasawnna tam tak kan chan avangin lawmthu i sawi ang u.
ii) Kohhrana Thalai ten mahni puala rawngbawlna remchang kan neih theihna tura huang tha tak, TKP kan neih avangin Pathian hnenah lawm thu sawi ila, TKP din chhuahna tura hruaitu tha tak tak min pek avangin lawmthu sawiin, tun hun thlenga TKP hruaitu tha tak tak Pathianin min pek avang pawhin lawmthu i sawi bawk ang u.
iii) Ram pawn lam leh khawvel zau zawka kan thalai puite hmelhriat leh thawhpui tur kan neih avangin lawmthu sawi ila. BYFI inkhawmpui lian ‘National Baptist Youth Conference 2015’ tha taka TKP ten kan dawl avangin Pathian hnenah lawmthu i sawi ang u.
iv) Thalai ten Pathian ngaihsakna leh rawngbawl duhna thinlung kan la neih zel avangin Pathian hnenah lawmthu i sawi ang u.
v) Kohhran leh thalai te rawngbawlnaah Pathian malsawmna chang a, inpumkhatna leh thawhhona tha tak kan neih avangin lawmthu i sawi ang u.
2. Thalai, Lal Isua neilo ten Lal Isua an neih theih nan :
i) Lal Isua neitu ten kan thalai pui, Lal Isua la neilo-te veina, hmangaihna leh duhsakna thinlung kan neih a, anmahni tanpuia kawng dika kan hruai theih nan. Thalai ten thlarau bo veina tak tak kan neih theih nan.
ii) Thalai, Lal Isua la neilo ten nun tuihalna leh Pathian hnaih chakna an neih nan leh an mamawh chhanna, Lal Isua an lo hmuh ngei theih nan.
iii) TKP leh Kohhran te pawhin Lal Isua la neilo ten an neih theihna tura hmalak dan leh tanpui dan kan thiam theih nan.
iv) TKP ten Mission lama hma kan lakna leh Evangelical Cell hmanga kan rawngbawlnaah hmasawnna leh thahnemngaihna thar kan neih zel theih nan.
v) Kan ramah zu leh ruihhlo te, sualna chi hrang hrang te a lo tlem deuh deuh theih nan.
3. Kohhran leh kan ram tana tawngtaina :
i) Kan ram leh Kohhranah Thlarau Thianghlima harhna a lo thlen theih nan. Sual huatna tak tak kan neih a, Thlarau leh tihtak zeta Pathian chibai kan buk theih nan.
ii) Kan rama Kohhran hrang hrangte inkarah inunauna leh thawhhona tha zawk kan neih theih nan.
iii) BCM hruaitute tan, President, President (Elect), Gen Secy, AGS te, Department hrang hranga mawhphurtute tan, BCM hnuaia full time worker zawng zawng ten Thlarau Thianghlim zai ngaia finna leh thahnemngaihna thar nen hna an thawh theih nan.
iv) BCM Mission Field hrang hrangah Pathian malsawmna kan chan theih nan. Kohhranho ten thlaraubo veina thinlung kan neih zel theih nan, Missionary ten hmangaihna leh thahnemngaihna thar nen rawng an bawl theih nan.
v) Mi tin-te hi khua leh tui tha kan nih theuh theih nan. Kan rama hruaitu mawhphurhna hrang hrang chelhtuten rinawm leh dik taka hna an thawh theihna tura an tha tichak tura kan theihna zawn theuhah thahnemngaia anmahni kan lo tanpui ve theih nan.
vi) Kan ram hi ei leh barah kan intodelh ve ngei theih nan. Kan ram leilung hausaknate haichhuah a nih a, mipui ten rual khai taka kan chhawr tangkai ngei theih nan.
4. Kohhrana Thalaite rawngbawlna atana tawngtaina :
i) MTKP hruaitute tan, Bial TKP leh Unit TKP hruaitu zawng zawngte tan, Thlarau Thianghlim hruaina changa hmathlir (vision) tha tak nena rawng an bawl theih nan. Pathian atanga finna leh thahnemngaihna an neih nan. Taksa damna leh hriselna an neih theih nan. Kumin chhunga kan hmalakna tur ruahman te Pathian hruaina hnuaia tha taka kan hlen chhuah theih nan.
ii) Baptist World Alliance Youth Department a kan hruaitute tan:President : Ms.Amanda Haines (USA)
Director : Rev.Emmett Dunn ( Liberia) Chairperson- International Program Committee : Rev.Dale Stairs (Canada) iii) Asia Pacific Baptist Youth Fellowship hruaitute tan: President : Rev.Vesekhoyi Tetseo (Japan) Secretary : Ms Mihyun Ryu (S.Korea) iv) Baptist Youth Fellowship India (BYFI) hruaitu thar te tan : President : Mr.Vikuo Rhi (Nagaland Baptist Church Council) Vice President : Pastor S.Henry (Maharashtra Baptist Society) Secretary :Rev.Lianchhunga Khiangte (Baptist Church of Mizoram) Asst Secy :Mr.Salem Bikram Kumar (Bengal Orissa Bihar Baptist Churches Association) Treasurer :Ms.Thingring N.Sangma (Lower Assam Baptist Union) Heng OB te bakah hian Executive Committee member te tan pawh kan tawngtaisak dawn nia. v) North East India Christian Council Youth Assembly (NEICCYA) hruaitu thar te tana tawngtaina : President : Rev Eleazer Sanglyne KJP Synod Mihngi Vice President : Rbt.H.Lalthangliana MTKP, BCM Secretary : Mr Pc.Biakmuanpuia CKTP, Mizoram Synod Asst Secy : Mr Jimmy Laltlanmawia SAY, The Salvation Army Treasurer : Rev.Samuel Dkhar Church of God (M&A) Finance Secy : Rev.Salem L.Hmar CKTP, EFCI vi) July 22-26, 2015 a 21st Baptist World Congress - Durban, South Africa a neih tur tan. vii) Oct 21-25, 2015-a Asia Pacific Baptist Youth Fellowship (APBYF) Inkhawmpui Bangkok, Thailand-a lo awm tur tan. viii) Feb 18-21, 2016-a MTKP Inkhawmpui Lawngtlaia kan neih tur tan. 5. Tuartute tana tawngtaina : i) Nepal rama lirnghing tuartute tan. Mitthi chhungte, hliam tuarte leh an chhungkua, in leh lo chantute, ei bar zawnna kawnga harsatna tawkte tan. Nepal ramah hian kristian tlemte (2.8 %) an awm ve a. Kohhran leh ringtuten harsatna karah tisa leh thlarauvah malsawmna thar an chan theih nan. Nepal rama BCM Missionary, Rev.Rodingliana leh Pu.James Lalnunhlua te leh an chhungte tan. Nepal rama missionary zawng zawngte leh chhawmdawlna hnathawktu te tan. ii) ISIS te rorelna hnuaia kun, ringtu tihduhdah tuar mekte tan. Lal Isua an rinna a lo ngheh nan leh tisa leh thlarauva chhandamna an chan theih nan. Ringtu pawisawilo te tiduhdahtu te hian an thil tihsual an hriat chhuah a, an sim theih nan. Kristiante tana ram him lo zual - North Korea, Africa -Somalia, Ukraine, Syria, Iraq, Afghanistan, Saudi Arabia, Maldives, Pakistan, Iran leh Yemen rama Kristiante tan. iii) India ram hmun hrang hranga ringtu tihduhdah leh nekchepna tuartute tan. India ramah sakhaw zalenna leh intluktlanna kan neih theih nan. India rama kohhranho ten Chanchin Tha hrilna-ah hma kan sawn a, inunauna leh thawhhona tha kan neih deuh deuh theih nan. iv) Khawvel pumah Pathian Lalram din a nih thuai theih nan leh Setana ram thiah a nih zel theih nan. Mizoram leh khawvel pumah Kohhran inunauna tha, inpumkhatna leh inremna a lo awm theih nan. ooo---xx0+0+0xx---ooo
