Paul Msiza, BWA Elected President[/caption] Khawvel puma Baptist Kohhran inzawm khawm - Baptist World Alliance (BWA) General Council Meeting, Izmir, Turkey-a July 6-12 chhunga neih chu Pathianni han an tiak ta a. He Meeting-ah Khawvel ram hrang hrang-a Baptist hruaitu lawk tak tak 300 rual zet an tel a ni. He Meeting-ah hian BWA President atan South Africa mi Ngwedla Paul Msiza (53) chu thlan a ni. Ani hian nakum 2015, July-ah a Office a luah ang. Msiza rual hian BWA Vice President 12 thlan an ni bawk.
Paul Msiza hi kum 200 0 atangin BWA level-ah a in hmang tan a , General Council, Executive Committee, Nominations Committee, Congress Committee, Mission, Evangelism and Theological Reflection Advisory Committee leh Promotion and Development Advisory Committee-ah te a lo tel tawh a, tunah hian BWA Membership Committee leh Commission on Doctrine and Interchurch Cooperation bakah the Academic and Theological Education Workgroup-ah te hruaitu zingah a tel mek a ni.
BWA-a a rawngbawlna bakah hian All Africa Baptist Fellowship ah kum 2006-2011 chhung President a ni a lo ni tawh a, kum 2001-2010 chhung
Zirna leh hna thawhna lamah University of Witwatersr, University of South Africa, Baptist Theological Seminary of Southern Africa leh Baptist Bible Institute atang te-in Diploma leh Degree Course te a nei a, Kum 1998 atangin Full Time rawngbawlna-ah a lut tan a, Hebron Teacher Training College -ah pastor ni chungin zirtirtu hna a thawk pah a. Kum 1995 ah Baptist Convention College dinin Principal-in a awm leh a, 2001-ah Baptist Convention of South Africa (BCSA) ah General Secretary atan thlan a nih thleng he College-ah hian a thawk a ni. 2011 atangin Peniel-Salem Baptist Church, Pretoria-ah Pastor hna thawkin vawiin thlengin he hna hi a la chelh a ni.
Kum 1986-ah Sanna Mapula nen inneiin an fapa pathum nen an khawsa mek a ni.
