Kum 1908-ah Khasi rama nu pakhat rilruah chuan chaw chhum apiangin buhfai vei khat lek lekin dah ila, Kristian tinin kan tih chuan nasa takin hna a thawk thei ang tih rinna a lo piang a. Chutiang chuan a ti ta nghâl a. Rei lo tê chhûngin Kohhran pawhin a thatzia an hre ta a. Khasi ram pawh a luanchhuak ta thuai a ni. Chu chu Mizoram hmâr lamin an la chhawng a, chhim lam pawhin kan lo ti ve ta thuai a ni. (Mizoram Baptist Kohhran Chanchin pawimawh lâkkhâwm Part 1 page 36)
Tham tan kum leh hman tan dan:Buhfaitham tan kum hi F.W.Savidge (Sâp Upa) report-a a lan dân chuan kum 1915-ah an tham tawh a, Presbytery minute-ah chuan kum 1919 hi a lanna hmasa ber niin a sawi. Kum 1973 Assembly chuan Buhfaitham rawngbawlna hi kohhran kutah a dah a, BKHP ten an khawn a, Kohhranin a buaipui thin. Kum 1982 atang phei chuan Assem[bly-in BHKP kutah mawhphurhna zawng zawng a lo dah ta a. April Pathian ni hnuhnung ber hi Buhfaitham Pathian ni-a hman a ni ta a ni. Sum tling khawm te chu Tualchhung Kohhran kaltlangin Ram thim (Mission) lamah chhûn luh thin a ni.
Kum 9 chhunga BCM-in Buhfaitham-a hma a sawn dan:| Kum | Sum hmuh zat | Punna | |
| 2009 - 2010 | - | 1,89,95,552.00 | |
| 2010 - 2011 | - | 2,34,44,300.00 | 44,48,748.00 |
| 2011 - 2012 | - | 2,88,03,599.00 | 53,59,299.00 |
| 2012 - 2013 | - | 34,895,771.00 | 60,92,172.00 |
| 2013 - 2014 | - | 40,739,775.00 | 58,44,004.00 |
| 2014 - 2015 | - | 47,558,569.00 | 68,18,794.00 |
| 2015 - 2016 | - | 55,483,671.00 | 79,25,102.00 |
| 2016 - 2017 | - | 61,170,221.00 | 56,86,550.00 |
| 2017 - 2018 | - | 66,894,786.00 | 57,24,565.00 |
