Pathianni, April 26, 2020 hi Mizoram Baptist Kohhran Ni pawimawh  "Buhfaitham Pathianni” a ni a. Kohhran hoten Buhfaitham rawngbawlna kan ngaih hlut a, hma kan sawn zel theih nan leh he rawngbawlna pawimawh zia kan hriat thar zel theih nan kum tinin Buhfaitham Pathianni hi April Pathianni hnuhnung berah hman thin a ni. Kumin Buhfaitham Pathianni thupui atan “Pathian chuan hlim taka petu a ni a hmangaih ni.” (II Korinth 9:7b) tih a ni a, Headquarters atangin Tawngtai thupui te siamin Buhfaitham chungchang thuchah leh report te buatsaih a ni bawk.

Kumin Buhfaitham Pathianni erawh chu, khawvel pumin kan buaipui Coronavirus (Covid-19) hri leng avangin India ram leh Mizoram-ah pawh he hri leng laka kan him theih nan pun khawm leh pawn chhuah khap a ni a, Kohhran Inkhawm Programme duansa te pawh nei thei lovin thla hnih dawn kan lo in kharkhip ta a, Chuvangin buhfaitham pathianni pawh hi kum danga kan hman angin kan hmang thei dawn ta lo a ni.

2. Buhfaitham hmanga rawng kan bawl ve theih avangin lawm thu sawi ila.

3. Buhfaithamah hma kan sawn zel avangin lawm thu sawi ila, hma sawn zel tur pawhin i dil ang u.

4. Buhfaitham enkawltute leh khawntute tan tawngtaisak ila. Pathiang rawngbawlna pawimawh tak a ni tih hre chunga inpekna thar nen he rawngbawlna hi an chhunzawm zel theih nan.

5. Chhung tinten Buhfaitham hlutna leh tangkainate kan lo hriat thar a, kan ngaih pawimawh zel theih nan.

Buhfaitham lo chhuah dan

Kum 1908-ah Khasi rama nu pakhat chuan ‘chaw chhum apiangin buhfai vei khat lek lekin dah hrang ila, Hei hi chhungkaw tinin kan tih chuan nasa takin hna a thawk thei ang’ tih rinna a nei a, a ti nghal ta a. Rei lo te chhungin Khasi ram luan chhuak nghalin, Mizoram pawhin kan lo la chhawng ve ta a ni. BCM-in buhfai kan tham tan kum hi F.W Savidge (Sap Upa) Report-a a lan dan chuan kum 1915 a ni.

Kum 1973 atangin BCM Assembly chuan buhfaitham rawngbawlna hi BKHP kutah a dah tan in, BKHP te hian an khawn a, Kohhran in a buaipui thung a ni. Kum 1982 atang chuan mawhphurhna zawng zawng BKHP kutah dah alo ni ta a, a khawn leh buaipui zawng zawng pawh BKHP te kut ah a awm ta a ni.

Buhfaitham atanga sum hmuh chu Tualchhung Kohhran kal tlangin Mission lamah chhun luh a ni thin a ni. Thahnemngai taka buhfaitham thimtute avangin hma kan sawn zel a. Kum 2019 - 2020 a buhfaithama kan hmuh zawng zawng chu  Rs. 85,222,908/  a ni.  Kum hmasa, 2018-2019 aia a sanna chu RS. 1,03,76,502.00 a ni.

Kum 10 chung BCM-in Buhfaitham atanga thawhlawm kan hmuh dan hmasawn dan hetiang hi a ni:-