29th April 2012 hi Mizoram Baptist Kohhran Ni pawimawh (Special Sunday) “Buhfaitham Pathianni” a ni a. Hemi pual hian Mizoram pumah Baptist Kohhrante chuan an hmang dawn a ni. Pathianni Chawhma Inkhawm-ah Headquarters atanga thupui thlan sa ‘Nang malsawmna ni ang che’ (Gen.12:20) tih thupui hmangin Pathian thu chah ngaihthlak a ni ang a. Tualchhung Buhfatham Report  ngaihtlak a ni bawk ang. Kohhran tinah Headquarters atanga Tawngtai thupui duan san hmangin Tawngtai Rual neih a ni bawk dawn a ni.   Tawngtai rual thupui te:  

1. Lawmthusawina-Buhfaithama hma kan sawn zel avangin
2. Buhfaitham enkawltute & a khawntute tan
3. Buhfaithamah chhungtinten hma kan sawn zel theih nan

..............

   

THUCHAH

Buhfaitham lo chhuah dan: 1908 ah Khasi Nu pakhat chuan a chaw chhum apiangin Buhfai, a chhum tur atangin vei khat lek lekin a tham thin a. A tlingkhawm chu rawngbawlna tangkai tak a lo ni a. Mizoram Baptist Kohhran ah pawh 1915 atang khan mi thahnemngaiten an lo tham ve tan a. 1920 ah chuan hmeichhe tirhkoh hlawh atan BCM Hqrs ah alo lut khawm tawh a ni.

   

A hmanna:

A tirah chuan eng atana hman nge tih hriat chian a ni lova. Pathian ram zauna atan Kohhran sumpuiah hman ni berin a lang. Kum 1920-ah Hmeichhe Tirhkoh hlawh atan hman a ni a. Hmeichhe tirhkoh rawih an nih loh khan thawhlawmpuiah a lut leh a. 1947 ah Nusery school din a ni a, chu ta zirtirtu hlawh atan hman a ni leh a. Kum 1968 ah BCM in Mizoram pawnah Missionary a tirchhuak tan a. Chumi atan chuan Assembly rorel chuan sum hnar nghet neih tul a ti a. Kum 1973 atang chuan avaiin ZBM (Mission) rawngbawl nan alo dah ta a ni.Vawiin thleng hian Pathian ram rawngbawlna pawimawh tak a lo ni ta zel a ni. Tunah chuan Assembly budget chhungah khung tel ani ta a.

   

BKHP kuta a awm dan:

Buhfaitham rawngbawlna hi tun hma chuan Kohhranin a buaipui a. Kum 1973 atangin Buhfaitham hi Assembly chuan BKHP mawhphurhna atan a pe a. Mahse hun rei tak chu pawisa lam thleng a mawhphurhna BKHP hian a chang vek lova. Kum 1982 atang chuan mawhphurhna zawng zawng, pawisa lam thlengin (A rate siam) Assembly chuan BKHP kutah a pe a. Heng pawisa hi a vaiin ZBM (Mission) ah theh luh vek a ni. BKHP Account ah chhiar tel a ni lo.(Source:Mizoram Baptist Kohhran Chanchin pawimawh lawrkhawm Part I, Page 211)

 

MBKHP Executive Committee chuan BCM Chhungkaw tinin Buhfaitham bur hun a, buhfai ngei dah/thlak ni sela, a tam lam chu mimal inpekna nise’ a ti a Kum 2002 MBKHP rorel chuan Buhfaitham khawnna bu hi rampumah in ang tlanga neih ni se a tih chu FOD Committee ah thlen a ni a. FOD Committee chuan Buhfaitham khawnna Bu a siam a. Chawlhkar  tin khawn turin a buatsaih a. Buhfaitham khawnna Bu hi BCM Office ah a thlawna lak theih in a awm. Hei hi Tualchhung Kohhran leh BKHP-te pawhin hman theuh tum ni sela.

 

Kum 1973 MBKHP Executive Committee Buhfaitham Bela bel tur hi buatsaih ni se atih angin Buhfaitham Bela bel tur (sticker) siam a ni a. “Lalpa Pual Buhfaitham” tih ziakin “Pathian chuan hlim taka petu ani a hmangaih ni” tiin a buatsaih a. Hei hi a duh apiangte hman theih turin BCM Office ah lam theih a ni.

 

BCM chuan Buhfaithamah Kumtinin hma kan sawn nasa hle a. Hei hi chhungkawtinte in pekna leh rawngbawlna avang a ni a.

 

Kum 10 chhung chauha kan hmasawn dan hetiang hi a ni –

Kum     2001-02	Rs	80,10,144.95
Kum     2002-03	Rs	82,72,654.65
Kum     2003-04	Rs	91,36,649.65
Kum    2004-05	Rs	1,08,56,486.20
Kum     2005-06	Rs	1,22,71,707.00
Kum     2006-07	Rs	1,29,97,596.00
Kum     2007-08	Rs	1,50,07,534.00
Kum     2008-09	Rs	1,65,47,534.00
Kum     2009-10	Rs	1,89,95,552.00
Kum     2010-11	Rs	2,34,44,300.00
Kum     2011-12	Rs	2,88,03,599.00

&asbn;                          

Heng zawng zawng thawk chhuak thei a min siamtu Pathian hnenah lawmthu awm sela. Hma kan sawn avangin Pathian hnenah lawmthu sawi ila, hmasawn zel turin tan i la zel ang u. BCM chhungtinte hian Rawngbawlna hlu leh tlawm Buhfaitham hmang hian kan ram chhungah, India ram leh Khawvel-ah Chanchin tha i hril zel ang u.