February ni 10 leh 13 inkar khan Bru Baptist Church Assembly Vawi 14-na chu Zawlpui, Lunglei District ah neih a ni a, BBC Zawlpui ten Assembly hi Pandal sa in an lo dawl a ni. Covid-19 hripui avangin Assembly hi Rorel bakah Pathianni chawhma inkhawm leh chawhnu Lalpa Zanriah Sacrament neia hun hman a ni.

Rorel hi ni hnih chhung (Zirtawp leh Inrinni) neih a ni a, Rorel palai 111 an kal a, 2022-2023 Budget atan cheng nuai 89 an passed. Pathianni chawhma in Pathian Biak inkhawm neih a ni a, Pathian thuchah Rev. Dr. C. Vanlaldika hnen atangin Assembly thupui "Puitlin lam i pan ang u" tih hmang in ngaihthlak a ni. Chawhnu ah Lalpa Zanriah (Sacrament) Inkhawm neih a ni a, Rev. Habert Rorelliana Sailo, Administrative Office, BBC  in Lalpa Zanriah Sacrament hi a buatsaih a ni. Pathianni Chawhma leh chawhnu inkhawm ah te hian zaipawl pahnih BBC Putlungasih Bial Zaipawl leh BCM Zawlpui Pastor Bial Zaipawl ten Pathian faka rawngbawlna an nei bawk.

Tun dinhmun ah Bru Baptist Church ah hian tualchhung kohhran 101 awm in Pastor Bial 13 ah then ni in, Area Baptist Council 5 a awm a, kohhran member zawng zawng hi 16800 ni in, chhungkua 3328 an awm mek a ni. Nakum BBC Assembly neihna tur hi Damparengpui a ni dawn a ni.