March 7, 2022 (Thawhtanni) chawhnu dar 3 khan Baptist Printing Press Lawngtlai khawl thar – 4 colour Printer thar hlanna hun Branch Office-ah hman a ni.

Khawl thar hlanna hun hi Rev. Lalzarliana Khiante, Lawngtlai East Bialtu Pastor-in kaihruaiin, Pu H. Lalrinchhana, Manager, Baptist Printing Press Lawngtlai-in report a pe a, Executive Secretary Rev. R. Lalnunzira’n Pathian hnenna hlanna hun a hmang a ni. He hunah hian Area Development Working Committee hruaitute leh Lawngtlai East, North leh South bialtu pastor te leh bial Chairman leh Secretary-te theuh bakah Executive Secretary Office, Bookroom leh Baptist Printing Press-a thawktute an tel a ni.

BCM 5th Planning tihhlawhtlin nan Area Development Working Committee, Lawngtlai-in Baptist Printing Press Lawngtlai Branch tihchangtlun nan 4 Colour Printer dah tura hma lak sak turin Baptist Literature & Printing Committee-ah a thlen a, Baptist Literature & Printing Committee hian Property Committee kaltlangin 4 Colour Printer lei nan hian Rs. 4,00,000/- a pe a, February 22, 2022 khan 4 Colour Printer hi lei fel a ni.

Baptist Printing Press Lawngtlai Branch hi kum 2002 khan hawn tan niin, kumin 2022 hi kum 20 a tlinna a ni a, tunah hian thawktu 5 an awm mek a ni.