BMS-Asia Mission Consultation[/caption]
Baptist Missionary Society(BMS)- Asia Consultation, April 10,2019 a Kolkatta-a neih ah Rev.Dr.C.Vanlaldika, AGS i/c Mission chu BCM aiawhin a tel a. He Consultation-ah hian BMS World Mission atangin mi pathum-in an rawn hmanpui bawk a, a bak India leh Asia ram hrang hrang atangin Mission pawl (agency) hruaitu 30 zet an kal khawm a ni.
He Consultation hian tunlai khawvel-a Mission rawngbawl dan tur thar leh rawngbawlna hlawk zawk neih theih dan tur zawngin an zirho dawn a. Ram hrang hrang dinhmun leh hnam hrang hrang zinga rawngbawl dan tur te an zirin an sawiho a ni. AGS i/c Mission hi April 12-a BCM hruaitu Charge inhlan nang turin naktu hian Kolkotta atangin Lunglei rawn ban a tum ang.
Baptist Missionary Society(BMS) hi Khawvela Mission Agency chak leh hlun berte zing ami a ni a. Kum 1792 khan UK-ah din a ni. An hmunpui chu London, UK-ah awmin Ram lian deuh deuh leh khawpui hrang hrangah Branch Office neiin an in thlung khawm a,ย Khawvel hmun hrang hrangah Mission hna thawkin an in zarpharh a ni.
Mizoram tana mellung pawimawh tak chhitu, Sap Upa leh Pu Buanga te hi Robert Arthington tirhin Mizoramah 1894-ah an rawn chhuak a. Arthington Mission anga an thawh theih loh hnupah 1903 khan BMS tirhin an rawn chhuak tha leh a ni. Sap Upa leh Pu Buanga te bakah Mizoram Chhim lama missionary engemawzat rawn tirtu te an ni.
