October 17, Pathianni khan Baptist Mipa Pawl Serkawn Unit chuan Plan-a an dah “Kohhran harsa zawkte ṭanpui” tih bawhzui in, BCM Kanghmun South tlawh in an Biak In sak lai mek ṭanpuina atan unit sum atangin Rs.10000/- leh mi thahnemngai te thawhkhawm atangin Rs.5000/- a vai in ₹ 15,000/- an hlan.
Serkawn Unit BMP hruaitu leh member te hi an vain mi 8 an ni a, tanpuina thilpek an hlan zawh hian tlai lamah an lo let leh nghal a ni.
Kanghmun S hi In 135 vel an ni a, Kohhran hrang hrang 7 awm in, BCM hi a te ber a ni a, Kohhran Member hi permanent member 12 leh temporary member 6, an vaiin 18 an ni a, chhungkua 7 an ni. Kohhran Upa an awm rih lova, Rawngbawltu 4 an awm mek a, November thla ABC ah hian Upa 2 ordain an ni ang. Biak In thar an sa ve mek a, an biak in sak hi a dung Feet 46' a vang Feet 24' a ni a, Cheng nuai 7 vel an hmang tawh ani.
