Pandal[/caption]
Mizoram pum huap Baptist Mipa Pawl (BMP) Meet-2017, November 10-12 chhunga Zobawka Play Ground-a neih chu hlim takin tunkar Pathiani zan khan a tiak ta. Report kan dawn danin he meet-ah hian mizoram hmun hrang hrang atangin palai 888 riak lût an awm a, hêng bâkah hian Lunglei khawpui chhûng leh Zobawk chhehvel, Hnathial, Pangzawl, Thiltlang leh Tuipui atang te-in lânga tel tam tak an awm bawk.
BMP hian Mizoram pum anga Rorelna an nei lo va, chuvangin Pathian faka zai leh Pathianthu-a infuihna hun atan Meet hi hman a ni ber a. Patling sang tel zet lamtual-a leng lovin an lam mup mup mai a ni. Special Item hrang hrang - Zaipawl, Mimal zai leh Grooup bakah Live Band te a awm a. Thuchah tha tak tak ngaihtlak a ni thin bawk. Meet chhimtu hmun hrang rhang atanga lo kal ten an kham lovin hlawkthlak an ti hle.
Pathianin rem a tih chuan BMP Meet hi kum 2020-ah neih leh a ni ang a. A hmun tur chu la thlan fel a ni ang. BCM Statistic 2016 in a tarlan danin Unit 300-ah member 14240 an awm mek a ni.
