Aizawl Area BMP Meet:

Aizawl Area Baptist Mipa Pawl Intawhkhawm vawi 19-na chu November 20-22, 2015 khian Central Church Biak in, Aizawl-ah neih a ni dawn a.  he Meet thupui tur chu  ‘I ram lo thleng rawh se’ tih a ni ang. Inrinni (Nov.21, 2015) hian Aizawl khawpui chhunga Pastor bial 8 huam chhunga BMP Unit 34 ten Quiz, Zaipawl leh Attandence hmangin intihsiak an nei ang a, Pathinni nilengin Programme an hmang bawk ang. Aizawl Area BMP Coordination Committee Secretary chuan BMP member leh a duh piangte he an Meet hmanpui tur hian inhawng takin an sawm a ni.

Tunkar tawp, November 13-15 (Inrinni leh Pathinni)  hian Zobawk North bial Baptist Mipa Pawl te pawhin Zobawk Bazar Biak inah inkhawmpui an nei dawn a, speaker atan Rev. KV. Thanga, Director, FOD a ni ang. Kar kal ta khan Zobawk South bial BMP leh Serchhip Bial BMP te pawhin an bial chhung Ebenezer Biak in ve veah inkhawmpui an lo nei tawh bawk.