Naktuk, May 4, 2017 (Ningani) hi Baptist Kohhran Mipa Pawl (BMP) Din champha phak vawi 37-na, (37th BMP Day) a ni a. Mizoram pumah BMP ten he Ni pual hian Progamme siamin urhsun takin an hmang ang. Kuminah BMP Day hi Sawrkar Chawlh a nih loh avangin chhun lama programme hmang thei lote pawhin zingkarah hnatlang te neiin, zan lamah Inkhawm Programme urhsun takin an hmang dawn a ni.

Kumin BMP Day thupui atan “Pasalte u, in nupuite hmangaih rawh u” (Ephesi 5:25) tih hman a ni ang a. Headquarters atang Thuchah leh Bible chang chhiarchhuah tur buatsaih chu chhiar a ni ang. Heng bak chu Unit ten anmahni duhdan leh ramchan angin Programme an siam belh thei ang.

BMP Day Thuchah

BMP member zawng zawng te kan Lalpa Isua Krista hmingin chibai ka buk a che u. BMP Day hlim tak leh hlawk tak a in hman theih nan leh Pathian malsawmna in chan theuh theih nan duhsakna ka hlan a che u.

Baptist Mipa Pawl (BMP) hi 4 May 1980 ah, Thingsaiah din tan a ni. Chutih lai chuan a hming hi saptawngin “Baptist Men’s Fellowship” tih ani a, a lam a har deuh avangin 1983 ah Bialtu Pastor F.Lalhmingthanga rawtna angina ‘Baptist Mipa Pawl’ tih alo ni ta a ni.

BMP hi Kohhran a Pawl (Fellowship) pakhat ni turin BCM Assembly 1988 chuan a pawm a, chuta tang chuan BMP Day hi hman thin a lo nit a a ni. Tin, Tualchhung Kohhran hrang hrang a din a lo remti ta bawk. Hemi rual hian BMP kalphung tur leh inkaihhruaina pawh pawm nghal a ni. Assembly in a pawm atang pawhin kum sawmthum dawn lai a lo ni ta. Tunah hian BMP Unit hi 288 a ding tawh a, Member pawh 13500 dawn lai kan ni ta.

BCM Assembly 2011 chuan BMP te chu Tualchhung ah chauh nilovin Bial a an inthlunkhawm theih na turin Bial BMP din a lo phal leh ta zel a. Pastor Bial 30 dawn ah Bial BMP din a ni tawh ( he thu buatsaih lai angin).

BMP Meet 2017 a neih remtih sak kan nil eh ta a a lawmawm hle. Lei a kan la awm chhung chuan thil tihkhawm turin sum a ngai zel a, Kum2016 & 2017 hian BMP member zawng zawng ten Rs 20 (sawmhnih) x2 =40 x 13500 = Rs 540,000 ( cheng nuai nga leh singli) zet a tling khawm ang a. BCM Budget a Rs 500,000 ( Nuai nga ) kan neih bawk chuan, a thlengtu Kohhran te nasa takin a pui dawn; thahnemngai takin BMP Meet dawltu tanpuina hi Headquarterah I chhung lut zung zung ang u.

PATHIAN RAM A LO ZAU VA, A LO NGHEH A, A LO LAN FIAH DEUH DEUH THEIH NAN BMP VUL ZEL RAWH SE.

Baptist Mipa Pawl chanchin tlangpui

Baptist Mipa Pawl (BMP) hi Thingsaiah May 4, 1980 khan din tan a ni. Chutih lai chuan a hming hi sâp tawngin “Baptist Men’s Fellowship” tih a ni a, a lam a har deuh avangin 1983-ah “Baptist Mipa Pawl” tia thlak a ni. BCM Assembly 1988 chuan BMP hi Kohhran hnuaia Fellowship pakhat ni turin a lo pawm ta a, chuta tang chuan Tualchhung Kohhran hrang hrangah din phal a ni ta bawk a. Assembly chuan BMP Inkaihhruaina Dan ruahman chu a pawm nghal bawk a ni.

BCM Assembly 2006 chuan BMP din ni atan Thingsaia a din tan hun 4 May 1980 chu BMP Day atan a pawm a, chuta tang chuan kum tinin BMP Day hi hman thin a ni ta a ni.

BCM Assembly 2011 chuan BMP chu Tualchhung Kohhran bakah Pastor Bial tina din a lo phalsak leh ta zel a, tichuan Pastor Bial tam takah din a lo ni ta zel a, a lawmawm hle. Tunah chuan hmun tam takah Bial BMP Inkhawmpui leh rorelte pawh neih thin a lo ni ta. Bial hrang hrang atangin BMP ram pum huap inkhawmpui nei tura dilna a lo lut a. FOD Committee chuan ngun taka a ngaihtuah hnuah, tum khat atan 2014-ah meet nei turin Central Committee-ah thlenin phalsak an ni a. Hlung takin August 8-10, 2014 khan BCM Bazar veng Biak inah ram pum huap BMP Meet a vawikhat nan neih a ni. BMP tan kum chhinchhiah tlak ‘mellung’ a ni reng tawh dawn a ni. Tin, BMP Inkhawmpui hi 2017-ah ram pum huapin neih ni rawh se, a ti a. Central Committee chuan a lo remtihsak tawh bawk a, thlir mek a ni. Nasa takin BMP member-te chuan thlarau leh rawngbawlna lamah hma an sawn zel a, a lawmawm em em a ni.

He thu ziak lai (December 2, 2015) thleng hi chuan BMP member hi 13424 kan awm a. Unit 288 leh Bial huapa ding pawh kan thahnem ve ta hle hi a lawmawm em em a ni. Chhungkaw Pa berte an nih avangin BMP hi an pawimawh tak meuh a, kan ram leh Kohhran kalphung leh sukthlek hi kan ngaihpawimawh zawng hian kan hriat loh hlanin thui tak a hril a ni. Kan nupui fanaute hian pain thil tha leh tha lo hriaah min ngai tlat a, inkhawm kan ngaihpawimawh leh an ngaipawimawh ve mai a. Kan inthlahdah leh chuti tho. Kan pawimawh a ni tih hi i theihnghilh lovang u.

BMP Din chhan:

Baptist Mipa Pawl hian dihchhan leh thiltum mumal tak a nei a, chungte chu :-

1) Baptist mipate thlarau nun buatsaih leh tihchak.

2) Kristian chhungkaw din.

3) Kohhran tana kutke tangkai nih.

4) Khawtlang thatna tura thawh.

BMP Thuvawn.

BMP chuan thuvawn a nei a, hetiangin:

“ Kei leh ka chhungte erawh hi zawngin Lalpa rawng a nia kan bawl dawn ni”. (Josua 24 : 15b).