BMP Emblem[/caption]
May 4, 2021 (Thawhlehni) hi Baptist Mipa Pawl (BMP) din champha phak vawi 41-na a ni a. Kumin BMP Day thupui chu “Thlen chin atanga hmasawn zel” ( Philippi 3 : 16) tih a ni.
BMP Day hi Mizoram pum BMP unit hrang hrang ten remchang an tih ang leh tha an tih angin Programme siamin an hmang thin a, zing karah te hnatlang leh chhun lamah intihhlimna programme te siamin, zan lamah inkhawm programme an hmangin, Headquarters atanga thupui thlansa hmangin thuchah ngaihthlak thin a ni.
Kumin BMP Day hi Covid-19 hrileng avangin Sawrkar-in inkaihhruaina a siam angin Inkhawm leh punkhawm khap a ni a, BMP Day lawmna leh programme duan sa te pawh hman theih a ni dawn ta lo a ni.
Baptist Mipa Pawl (BMP) hi kum 1980 May ni 4 khan Thingsaiah din tan a ni a. BCM Assembly 1988 chuan BMP hi Kohhran hnuaia Fellowship pakhat ni turin a pawm a, Tualchhung Kohhran hrang hrangah BMP Unit din phal a ni ta nghal a. Assembly 2011 in Tualchhung Kohhran bakah Pastor Bial huapa din a phalsak leh a, tichuan Pastor Bial tam takah din a lo ni ta zel a ni. Tunah chuan hmun tam takah Bial BMP Inkhawmpui leh rorelte pawh neih thin a lo ni ta a ni.
Planning Commission vawi 5-na ruahmanna ang in kumin 2021 atang hian Mizoram Pum huapa inthlunkhawmna “Mizoram BMP” chu kalpui tura ruahman a ni bawk a, Secretary hran neiin, Rampum huapa Rorelna pawh neih thin a ni tawh dawn a ni.
2020-2021 BCM Statistics in a tarlan dan in tunah hian BMP member 15,883 an awm mek a ni.
