Tunkar Nilaini, May 4, 2016  khi Baptist Kohhran Mipa Pawl (BMP) Day a ni a. Kuminah hian Pathianni a nih loh avangin chhun lamah progamme siam a ni lo va, Unit ten anmahni remchân angin an hmang dawn a ni. Zan lam Inkhawm Programme erawh chu Headquarters atanga programme ruahman sa zulzuiin Mizoram pumah BMP ten urhsun takin an hmang dawn a ni. Kumin BMP Day thupui atan “Mipa takin i puan veng la, thu ka zâwt ang chia, mi hrilh ang che” (Joba 38:3) tih thu hman a ni ang a, Bible chhiar tur thlansa (Gen. 22 :15-18,  1Johana 5 : 1-5) leh Thuchah chhiar chhuah tur buatsaih sa te chhiar a ni ang. Inkhawm thawhlawm hi FOD Director, BCM Hqrs.Office Serkawn-ah thawn tur a ni.

BCM Statistical Handbook 2015-2016 in atarlan danin tunah hian Mizoram pumah Baptist Kohhran Mipa Pawl(BMP) te hi member 13424 an ni mek a ni.

Baptist Mipa Pawl chanchin tlangpui:

Baptist Mipa Pawl (BMP) hi Thingsaiah May 4, 1980 khan din tan a ni. Chutih lai chuan a hming hi sâp tawngin “Baptist Men’s Fellowship” tih a ni a, a lam a har deuh avangin 1983-ah “Baptist Mipa Pawl” tia thlak a ni. BCM Assembly 1988 chuan BMP hi Kohhran hnuaia Fellowship pakhat ni turin a lo pawm ta a, chuta tang chuan Tualchhung Kohhran hrang hrangah din phal a ni ta bawk a. Assembly chuan BMP Inkaihhruaina Dan ruahman chu a pawm nghal bawk a ni.

BCM Assembly 2006 chuan BMP din  ni atan Thingsaia a din tan  hun 4 May 1980 chu BMP Day atan a pawm a, chuta tang chuan kum tinin BMP Day hi hman thin a ni ta a ni.

BCM Assembly 2011 chuan BMP chu Tualchhung Kohhran bakah Pastor Bial tina din a lo phalsak leh ta zel a, tichuan Pastor Bial tam takah din a lo ni ta zel a, a lawmawm hle. Tunah chuan hmun tam takah Bial BMP Inkhawmpui leh rorelte pawh neih thin a lo ni ta.  Bial hrang hrang atangin BMP ram pum huap inkhawmpui nei tura dilna a lo lut a.  FOD Committee chuan ngun taka a ngaihtuah hnuah, tum khat atan 2014-ah meet nei turin Central Committee-ah thlenin phalsak an ni a. Hlung takin August 8-10, 2014 khan BCM Bazar veng Biak inah ram pum huap BMP Meet a vawikhat nan neih a ni. BMP tan kum chhinchhiah tlak ‘mellung’ a ni reng tawh dawn a ni. Tin, BMP Inkhawmpui hi 2017-ah ram pum huapin neih ni rawh se, a ti a. Central Committee chuan a lo remtihsak tawh bawk a, thlir mek a ni. Nasa takin BMP member-te chuan thlarau leh rawngbawlna lamah hma an sawn zel a, a lawmawm em em a ni.

He thu ziak lai (December 2, 2015) thleng hi chuan BMP member hi 13424 kan awm a. Unit 288 leh Bial huapa ding pawh kan thahnem ve ta hle hi a lawmawm em em a ni. Chhungkaw Pa berte an nih avangin BMP hi an pawimawh tak meuh a, kan ram leh Kohhran kalphung leh sukthlek hi kan ngaihpawimawh zawng hian kan hriat loh hlanin thui tak a hril a ni. Kan nupui fanaute hian pain thil tha leh tha lo hriaah min ngai tlat a, inkhawm kan ngaihpawimawh leh an ngaipawimawh ve mai a. Kan inthlahdah leh chuti tho. Kan pawimawh a ni tih hi i theihnghilh lovang u.

BMP Din chhan: Baptist Mipa Pawl hian dihchhan leh thiltum mumal tak a nei a, chungte chu :- 1)   Baptist mipate thlarau nun buatsaih leh tihchak. 2)   Kristian chhungkaw din. 3)   Kohhran tana kutke tangkai nih. 4)   Khawtlang thatna tura thawh. BMP Thuvawn:  “Kei leh ka chhungte erawh hi zawngin Lalpa rawng a nia kan bawl dawn ni”. (Josua 24 : 15b).ni ta. Silver Jubilee lâwm thei Unit pawh kan awm ta nual a, a lâwmawm hle.