MBKHP hruaitute chuan kan hma lawka MBKHP Inkhawmpui Hnahthiala lo awm turah  hian Pathian thlarau Thianghlima harhna nasa zawk a lo thlen theih nan tawngtaina tam zawk hmang turin kohhran memberte an ngen.

Tarlan tawh ang khan, Mizoram Baptist Kohhran Hmeichhe Pawl (MBKHP) Inkhawmpui hi February 19-22, 2015 khian Hnahthial Pastor Bial pahnih, Hnahthial North leh Hnahthial South Pastor Bial ten an dawl dawn a,  he Inkhawmpui thupui tur chu 'I ram lo thleng rawh se" tih a ni ang. Inkhawmpuiah hian Speaker hranpa awm lovin  thupui then hrang hrang awmsa hmangin heng te hian thuchah an sawi dawn a ni. hetiangin:-

Ningani(Thlenkim) zan  :  Pathianram awmzia leh lo thlen dan        - Rev. F. Ramdinmawia, Exe. Secretary-Lawngtlai Area

Zirtawpni zan : I ram lo thleng rawh se - "mitin nunah"       - Rev. Dr. V. Laldingliana, Exe. Secretary-Aizawl Area

Inrinni zan : I ram lo thleng rawh se - "chhungkuaah"    - PS Lalhmingthangi, Organiser, MBKHP

Pathianni chawhma : I ram lo theng rawh se - "Kohhranah"          - Rev. H. Lianngaia, General Secretary, BCM

Pathianni zan :  I ram lo thleng rawh se - "kan ramah"          - LH Sangziki, President, MBKHP

Tunah hian Pandal – feet 200  x 150 – structure leh a chung khuh tawh a ni a, a bang leh a chhung lam stage te siam mek a ni bawk. Pandal khawr pum a nih hunah Light, Sound leh Decoration lam an ti zui ang. Pandal hi Hnahthial Play Ground kan tih mai, HBSC GROUND no-1 -ah sak a ni.

Inkhawmpui Dawltu, MBKHP 2015-Organising Committee member 24 awmna siamin, Organising Committee hnuaiah hian Sub.Committee peng hrang hrang 12 an awm leh a, chungte chu:-

Organising Committee leh heng Sub.Committee peng hrang hrang budget (Estimate) belhkhawm chu Cheng nuai 2,007,000 a ni.

Inkhawmpui chhung hian thlenkim zan atangin zan tin Vantlang Inkhawm a awm ang a, Thuchah bakah Kohhran Zaipawl leh BKHP Zaipawl 5/6 a awm thin ang a, inkhawmbanah inpawlhona/zaikhawm progamme a awm thin ang. Zing tin dar 6:30-7:00 inkarah Tawngtai Inkhawm leh Bible Study neih thin a ni ang.

Zirtawpni chhun-ah MBKHP Rorel Inkhawm a awm ang a, kumin hi MBKHP Hruaitu (OB) inthlan kum a ni a – President leh Organiser tih loh – Vice President, Asst.Secretary, Treasurer leh Fin.Secretary te thlan thar an ni ang. Rorel hlanin Rorel Palai ni lo te tan chawhma lamah Pathian Biak Inkhawm leh Chawhnu lamah Seminar hmun thumah neih a ni ang. Seminar thupui leh Resourcce Person turte chu hengte hi an ni:-

1. Child Rights & Protection              : K. Hamlet
2. BCM Kalphung                                  : Rev. Lianchhunga Khaingte
3. Hriselna leh Thainghlimna            : Dr. Lalmalsawmi Sailo

Inrinni chawhma lamah Chhawmdawnla In Pualin Inkhawm a awm ang a, Chawhnu lamah Missionary Pual-in hun hman a nit hung ang. Pathianni Chawhma Inkhawm bakah Chawhnu lamah Lalpa Zanriah(Sacament) an kilho ang a, Rev. KV Thanga’n Sacrament buatsaih ang.

Mizoram Baptist Kohhran, Fellowship Organisation Department-in FOD Inkawihruaina a siam angin MBKHP te hian kumin hi kum 2 danah Inkhawmpui an neih tanna a ni dawn a, kum 2012-a Zobawk-a  inkhawmpui an neih hnuah kumin hi an inkhawmpui leh hmasak ber a ni dawn ta a ni.