Baptist Kohhran Hmeichhe Pawl(BKHP) leh Baptist Kohhran Mipa Pawl (BMP) te chuan an din champha phak lawmna programme hmang turin an inbuatsaih mek a. BKHP te hian tunkar inrinni (May 2, 2015) hian an hmang ang a, BMP te hian kar leh thawhtanni (May 4, 2015) khian an din champha an hmang thung ang.

BKHP Day - May 2, 2015 (Inrinni)

May 2, 2015 (Inrinni) hi Baptist Kohhran Hmeiche Pawl (BKHP) Day a ni a. Mizoram pumah BKHP ten urhsun takin an hmang dawn a ni. Kumin BKHP Day thupui atan “I ram lo thleng rawh se".(Matthaia 6:10(a) tih hman a ni ang a. Headquarters atangin Thuchah chhiarchhuah tur buatsaih chu Unit tinah chhiarchhuah a ni ang a, Tawngtai rual thupui buatsaih sa hmangin

tawngtairual neih a ni bawk ang.

Tawngtairual thupui 1. BKHP-te rawngbawl theia kan awm zel avangin Pathian hnenah lawmthu sawi ila. 2. MBKHP hruaitute leh Chhawmdawlna In leh Drop-In Centre a thawktu leh enkawl mekte tan. 3. Unit leh bial hruaitute leh kan member biak in thleng thei lote tan. 4. Missionary zawng zawng te tan. BKHP Day Thuchah

.........................................................

BMP Day

May 4, 2015 (Thawhtanni) hi Baptist Kohhran Mipa Pawl (BMP) Day a ni a. Kuminah hian IChawlh a nih loh avangin chhun lamah progamme siam a ni hran lo va, zan lam Inkhawm Programme erawh chu Mizoram pumah BMP ten urhsun takin an hmang dawn a ni. Kumin BMP Day thupui atan “Lawm chungin Lalpa rawngbawl ula" (Sam 100:2) thu hman a ni ang a. Headquarters atangin Thuchah chhiarchhuah tur buatsaih leh Bible Chhiar tur thlan sa, (Nehemia 8:10, Joba 5:2) te chhiar chhuah a ni ang a, Progamme kim chang chu Unit tinin an remchan angin an siam ang.

BMP Day Thuchah

BMP member zawng zawng te kan Lalpa Isua Krista hmingin chibai ka buk a che u. BMP Day hlim tak leh hlawk tak a in hman theih nan leh Pathian malsawmna in chan theuh theih nan duhsakna ka hlan a che u.

1) Baptist Mipa Pawl (BMP) hi May 4, 1980 ah, Thingsaiah din tan a ni. Chutih lai chuan a hming hi saptawngin “Baptist Men’s Fellowship” tih a ni a, a lam a har deuh avangin 1983-ah Bialtu Pastor F.Lalhming-thanga rawtna angina ‘Baptist Mipa Pawl’ tih a lo ni ta a ni.

BMP hi kohhran a Pawl (Fellowship) pakhat ni turin BCM Assembly 1988 chuan a pawm a, chuta tangin Tualchhung Kohhran hrang hrang a din a lo remti ta a ni. Hemi rual hian BMP kalphung tur leh inkaihhruaina pawh pawm nghal a ni. Assembly in a pawm atang pawhin kum 26 lai a lo ni ta. Tunah hian BMP Unit hi 280 vel a ding tawh a, Member pawh 12981 lai kan ni ta, a lawmawm hle.

BCM Assembly 2006 chuan Thingsai a a lo din tan ni 4 May 1980 hi BMP Day atan a pawm a, chuta tang chuan BMP Day hi hman thin a lo ni ta a ni.

BCM Assembly 2011 chuan BMP te chu Tualchhung ah chauh nilovin Bial a an inthlunkhawm theih na turin Bial level a an din a lo phal leh ta zel a. Hun reilo te chhungin member Pastor Bial 32 ah Bial BMP din a ni tawh

BMP member tam tak hi KNP leh TKP ah tangkai tak leh a hruaitu te hial lo ni tawh pawh kan awm lai in thenkhat te hi kan naupan leh that lai hun a kohhran a tel tam lo kan ni hlawm a, chuvangin kohhran kalphung te pawh kan zir ngun a tul hle. Kohhran hi Pawl (NGO) te nen a inanglo tih hriat tur. Kohhran hruaitute zai ngai a, zawi te a kal thiam kan zir zel dawn nia. Kohhran hruaitute hi tisa lamah kan ai a lehkha thiamlo leh khawsak thu a hniam zawk te pawh nise, kohhran ah chuan min hruaitu ni tur a Pathian ruat an nih hre rengin an zai kan ngaithiam zel dawn nia.

PATHIAN RAM A LO ZAU VA, A LO NGHEH A, A LO LAN FIAH DEUH DEUH THEIH NAN BMP VUL ZEL RAWH SE.

  Sd/-Rev.KV. Thanga Director, FOD