- Hmeichhiate a rawngbawlna kawng hrang hrangah min la hman zêl avângin Pathian hnênah lâwm thu sawi ila.
- MBKHP Hruaitute, MBKHP-Chhawmdâwlna In leh Drop-In-Centre-a thawktute tân leh enkawl laite tân tawngtai ang u.
- BKHP Bial leh Unit Hruaitute tân leh BKHP member biak in thleng pha lote tân te, Nu kan nihpui la pianggthar lote tân tawngtai ila.
- Missionary-te leh Mizoram Baptist Kohhran Hruaitute tan.
- India leh Mizoram Hruaitu zawng zawngte tan.
BKHP Chanchin Tawi
Baptist Missionary Society (BMS) atanga Mizorama Missionary lo kal te zîngah hmeichhe Missionary engemaw zât an awm a, chûng zînga pakhat Pi Zirtîri (EM Chapman) hovin Asssembly hriatpuina leh kaihhruainain kum 1938 khân “Kristian Nu Pâwl” (GA – Girls Auxiliary) din a ni a. Sâp rama GA te thuvawn “Ka Lalpain ti tûra mi ruatsak apiang chu ti tûrin ka inpeih reng e” tih chu thuvawn atân an hmang nghâl a. GA hian Nula chauh a huap avângin kum 1947-ah nu thahnemngaite chuan Nu Pâwl an lo din ve ta a. Chutianga hmeichhe zîngah pâwl pahnih awm ta chu Mizoram Baptist Kohhran hruaitute chuan fel tâwk lovin an hria a, Nu pâwl leh Hmeichhe pâwl (GA) chu pâwl khatah zawmkhâwmin Baptist Kohhran Hmeichhe Pâwl (BKHP) a lo din ta a ni. 20th March 1965 khân Assembly hriatpuiin BKHP chu a lo ding ta a ni. GA Din atangin a kum zât pawh chhiar ni se ti-a Assembly in a rel angin 1938 chu BKHP din kum atan pawm a lo ni ta a.. Kum 2013 khân a kum 75-na ‘Platinum Jubilee’ a hmang tawh nghe nghe a ni. Chanchin kimchang chhiar duh tan: BKHP Day : May 2(mizo)/Womens Ministry
BCM Statistics 2016-2017-in a tarlan danin tunah hian BKHP member 33698 an awm mek a ni.
BKHP Day 2017 : Thuchah
BKHP member zawng zawngte kan Lalpa Isua Krista hmingin chibai u le. Vawiin BKHP Day hi hlâwk tak leh hlim takin hman i tum theuh ang u.
Kum 1938 March thla khân Mizoram Baptist Kohhran hnuaia Hmeichhe Pâwl chu 'Girls Auxiliary' tih hming puin Nula-ho pualin BMS Missionary Pi Zirtîri hovin BCM Assembly hriatpuiin din a ni a. II Samuela 15:19 tlawh chhanin, 'Ka Lalpain tih tûra mi ruatsak apiang chu ti tûrin ka inpeih reng e,' tih chu thuvawn atân thlan nghâl a ni a, vawiin thlengin hei hi BKHP-te chuan kan thuvawn a la ni reng a ni.
BKHP a lo din hnua ram pum huapa inkhâwmpui hmasa ber chu Dt. 27-30, January, 1966 khân Serkâwnah neih a ni. Hmeichhiaten awmze neia rawngbâwl an tanna hi kum 1938 May ni 2 ni a hriat a ni. Tichuan BCM Assembly General Committee chuan BKHP Day atâna hmang tûra a tih angin tûna kan hman May ni 2 hi kum 1990 atanga hman tan a ni.
Kan Lalpain ti tûra min duh apiang chu a duh dân leh tha a tih ang taka kan tih zêl theihna tûrin Lalpan BKHP member zawng zawngte min buatsaih thar zêl rawh se.
