Karleh Nilaini, May 2, 2018 khi Baptist Kohhran Hmeiche Pawl (BKHP) kum 80-na a ni a. Mizoram pumah BKHP ten urhsun takin an hmang ang.  Kumin BKHP Day thupui atan “Lalpa lo kal lehna”  tih hman a ni ang a. BKHP Day hi unit tinin an remchan angin Chhun lam leh zan lamah te  hman theih a ni ang a, hun hman dan tur pawh unit kutah a awm ang. Headquarters atanga tawngtai thupui siam sa hmangin tawngtairual a ni ang a, inkhawm thawhlawm hi Bial kaltlangin MBKHP-ah thehluh tur a ni ang. 

Tawngtai thupui (Subject)

1. Thilpek hlan
2. MBKHP Hruaitute tan
3. Bial BKHP Hruaitute tan
4. Unit BKHP Hruaitute tan
5. BKHP Member zawng zawngte tan
6. Loisi editorial Board-te tan
7. MBKHP Chhawmdawlna In a thawktu leh enkawlte tan.

……………………

Baptist Missionary Society (BMS) atanga Mizorama Missionary lo kal te zîngah hmeichhe Missionary engemaw zât an awm a, chûng zînga pakhat Pi Zirtîri (EM Chapman) hovin Asssembly hriatpuina leh kaihhruainain kum 1938 khân “Kristian Nu Pâwl” (GA – Girls Auxiliary) din a ni a. Sâp rama GA te thuvawn “Ka Lalpain ti tûra mi ruatsak apiang chu ti tûrin ka inpeih reng e” tih chu thuvawn atân an hmang nghâl a. GA hian Nula chauh a huap avângin kum 1947-ah nu thahnemngaite chuan Nu Pâwl an lo din ve ta a.

Chutianga hmeichhe zîngah pâwl pahnih awm ta chu Mizoram Baptist Kohhran hruaitute chuan fel tâwk lovin an hria a, Nu pâwl leh Hmeichhe pâwl (GA) chu pâwl khatah zawmkhâwmin Baptist Kohhran Hmeichhe Pâwl (BKHP) a lo din ta a ni. 20th March 1965 khân Assembly hriatpuiin BKHP chu a lo ding ta a ni. GA Din atangin a kum zât pawh chhiar ni se ti-a Assembly in a rel angin 1938 chu BKHP din kum atan pawm a lo ni ta a.. Kum 2013 khân a kum 75-na ‘Platinum Jubilee’ a hmang tawh nghe nghe a ni.

BCM Statistics 2017-2018-in a tarlan danin tunah hian BKHP member 33979 an awm mek a ni. Related Article: *BKHP Day hman tan dan *Womens Ministry